తదుపరి పోప్‌గా ట్రంప్?.. అదే తన నంబర్ వన్ ఛాయిస్ అంట.. వీడియో చూశారా?

అనేక అనారోగ్య సమస్యలతో పోప్ ఫ్రాన్సిస్ 88 ఏళ్ల వయసులో ఏప్రిల్ 21వ తేదీ సోమవారం రోజు మృతి చెందిన విషయం అందరికీ తెలిసిందే. అయితే ఈయన తర్వాత ఆ పదవిలోకి ఎవరు వస్తారనే దానిపై అందరినీలోనూ ఆసక్తి నెలకొంది. ఈక్రమంలోనే రేసులో ఉన్నది ఎవరు, ఎవరు పోప్ అయ్యే అవకాశం ఉందంటూ మీడియా ప్రతినిధులు ఆయా దేశాల అధినేతలను ప్రశ్నిస్తున్నారు. అచ్చంగా ఇలాంటి ప్రశ్నే అమెరికా అధ్యక్షుడు డొనాల్డ్ ట్రంప్‌నకు ఎదురైంది. అయితే ఇందుకు ఆయన షాకింగ్ సమాధానం చెప్పారు. తానే పోప్ కావాలనుకుంటున్నట్లు వివరించారు. అదే తన నంబర్ వన్ ఛాయిస్ అంటూ వెల్లడించారు.

ఏప్రిల్ 21వ తేదీన కేథలిక్‌ల అత్యున్నత మత గురువు పోప్ ఫ్రాన్సిస్ ప్రాణాలు కోల్పోయారు. చనిపోయే నాటికి 88 ఏళ్ల వయసు కల్గిన ఆయన గత కొంత కాలంగా శ్వాసకోశ సమస్యలు, డబుల్ న్యూమోనియా, కిడ్నీ సంబంధిత వ్యాధులతో తీవ్రంగా బాధపడ్డారు. చికిత్స పొందతూనే చనిపోయారు. పోప్ ఫ్రాన్సిస్ మృతితో.. పోప్ స్థానం ఖాళీ కాగా.. తదుపరి పోప్ ఎవరు అనే విషయం చర్చనీయాంశంగా మారింది. ముఖ్యంగా ఈ రేసులో ఎవరెవరు ఉన్నారు, ఎవరికి ఈ పదవికి దక్కే అవకాశం ఉందంటూ పెద్ద ఎత్తున అంనాలు వేస్తున్నారు. ముఖ్యంగా ఆయా దేశాల అధినేతలు, ప్రతినిధులను కూడా తదుపరి పోప్ అయ్యే అవకాశం ఎవరికి ఎక్కువగా ఉందంటూ ప్రశ్నిస్తున్నారు.

అచ్చంగా ఇలాంటి ప్రశ్నే అగ్రరాజ్యం అమెరికా అధ్యక్షుడు డొనాల్డ్ ట్రంప్‌నకు ఎదురైంది. అయితే దీనికి ఆయన సమాధానం ఇస్తూ.. షాకింగ్ కామెంట్లు చేశారు. తనకు తదుపరి పోప్‌పై ఎలాంటి ప్రిఫరెన్స్ లేదని, కానీ కార్డినల్స్ మీటింగ్ జరుగుతుందని వివరించారు. అలాగే న్యూయార్క్ కార్డినల్ కూడా రేసులో ఉన్నట్లు చెప్పారు. అయితే ఇదంతా చెప్పడానికి ముందే.. తానే పోప్ కావాలనుకుంటున్నట్లు చెప్పి అందరినీ ఆశ్చర్య పరిచారు. అదే తన నంబర్ వన్ ఛాయిస్ అంటూ వివరించగా.. మీడియా ప్రతినిధులు అంతా షాక్ అయ్యారు. కానీ ఆ తర్వాత కాసేపటికే ఆయన జోక్ చేస్తున్నట్లు గుర్తించి నవ్వుకున్నారు.

ప్రస్తుతం ట్రంప్ చేసిన ఈ జోక్ వీడియో నెట్టింట తెగ వైరల్ అవుతోంది. తానే పోప్ కావాలనుకుంటున్నట్లు వివరించగా.. మీరవుతారు సార్.. మీరవుతారు.. ఏదో ఒకరోజు పోప్ అవుతారంటూ నెటిజెన్లు కామెంట్లు చేస్తున్నారు. మీరు నిజంగానే పోప్ కావాలనుకుంటే సులువుగా అయిపోతారు సార్ అంటూ మరికొంత మంది తమ మనసులోని భావాలను కామెంట్ల రూపంలో వెల్లడిస్తున్నారు. అయితే ఇప్పటి వరకు న్యూయార్క్‌కు చెందిన ఏ ఒక్క కార్డినల్ కూడా పోప్ కాలేరు. చూడాలి మరి ఈసారి అయినా అమెరికాకు ఆ అదృష్టం దక్కుతుందా లేదా అనేది.