సెల్ఫీ తీసేందుకు యత్నించిన అభిమాని మీద జయా బచ్చన్ ఆగ్రహం
Andhra Pradesh Telugu | Suryaa Desk | Published : Tue, Aug 12, 2025, 07:42 PM
సమాజ్వాది పార్టీకి చెందిన రాజ్యసభ సభ్యురాలు జయా బచ్చన్ మరోసారి తన ప్రవర్తనతో వార్తల్లో నిలిచారు. ఢిల్లీలోని కాన్స్టిట్యూషన్ క్లబ్ ఆఫ్ ఇండియాలో జరిగిన ఒక కార్యక్రమంలో, ఆమెను చూడగానే ఓ అభిమాని సెల్ఫీ తీసుకోవడానికి ప్రయత్నించాడు. అయితే, అది జయా బచ్చన్కు నచ్చక, ఆ వ్యక్తిపై ఆమె ఆగ్రహంగా స్పందించారు.
జయా బచ్చన్ సెల్ఫీకి ట్రై చేసిన ఆ వ్యక్తిని కోపంగా పక్కకు తోసిన వీడియో ప్రస్తుతం సోషల్ మీడియాలో తెగ వైరల్ అవుతోంది. ఆమె ఆ వ్యక్తిని “ఏం చేస్తున్నావు? ఏంటిది?” అంటూ మందలించిన వీడియోను చూసిన నెటిజన్లు ఆశ్చర్యానికి గురయ్యారు. ఆ సమయంలో అక్కడ ఉన్నవారంతా ఒక్కసారిగా షాక్ అయ్యారు.
ఇలాంటి ఘటనలు జయా బచ్చన్కు కొత్తేం కావు. గతంలో కూడా మీడియా, ఫ్యాన్స్పై అనేకసార్లు ఆమె అసహనం వ్యక్తం చేశారు. ప్రజాప్రతినిధిగా ఉన్నప్పటికీ, సామాన్య ప్రజలతో ఇలా ప్రవర్తించడం సరికాదంటూ పలువురు విమర్శిస్తున్నారు. అభిమానులు సెల్ఫీ అడగడం సహజమేనని, దీనిపై అంత కఠినంగా స్పందించాల్సిన అవసరం లేదని నెటిజన్లు అభిప్రాయపడుతున్నారు.
జయా బచ్చన్ ప్రవర్తనపై సోషల్ మీడియా వేదికగా భారీ స్థాయిలో చర్చ సాగుతోంది. “ఇంత యాటిట్యూడ్ పనికిరాదు”, “ప్రజలకు సేవ చేయడానికే మీరు ఎలక్ట్ అయ్యారు” అంటూ విమర్శలు వెల్లువెత్తుతున్నాయి. ప్రముఖులుగా ఉన్న వారు, ప్రత్యేకించి ప్రజాప్రతినిధులు, ప్రజలతో మర్యాదగా, ఓర్పుతో వ్యవహరించాల్సిన అవసరం ఉందని నెటిజన్లు అభిప్రాయపడుతున్నారు.
|
|