సెమీస్ ముందు టీమ్ ఇండియాకు గవాస్కర్ కీలక హెచ్చరిక!

Sunil Gavaskar టీ20 ప్రపంచకప్‌లో భాగంగా ఎల్లుండి Wankhede Stadiumలో జరగనున్న భారత్–ఇంగ్లండ్ సెమీఫైనల్ మ్యాచ్ ఉత్కంఠభరితంగా సాగుతుందని అభిప్రాయపడ్డాడు. అయితే Jasprit Bumrah వంటి అద్భుతమైన బౌలర్ జట్టులో ఉండటం, అలాగే బ్యాటింగ్ ఆర్డర్‌లో ఉన్న ఫ్లెక్సిబిలిటీ కారణంగా ఆతిథ్య టీమిండియాకే స్వల్పంగా గెలుపు అవకాశాలు ఎక్కువగా ఉన్నాయని ఆయన పేర్కొన్నారు.2022, 2024 తర్వాత ఇరు జట్లు మరోసారి సెమీఫైనల్‌లో తలపడుతున్న నేపథ్యంలో గవాస్కర్ మాట్లాడుతూ, రెండు జట్లూ అన్ని విభాగాల్లో సమానంగా బలంగా ఉన్నాయని అన్నారు. ఇరు జట్లలోనూ శక్తివంతమైన బ్యాటింగ్, బౌలింగ్ లైనప్‌లు ఉండటంతో పాటు మిడిల్ ఆర్డర్ కూడా బలంగా ఉందని పేర్కొన్నారు. అలాగే ఇంగ్లండ్ జట్టులోని కొంతమంది ఆటగాళ్లకు Indian Premier Leagueలో ఆడిన అనుభవం ఉండటంతో భారత పిచ్‌ల పరిస్థితులు, నాకౌట్ మ్యాచ్‌ల ఒత్తిడిపై వారికి మంచి అవగాహన ఉంటుందని చెప్పారు. అందువల్ల ఈ మ్యాచ్ హోరాహోరీగా జరిగే అవకాశాలు ఎక్కువగా ఉన్నాయని ఆయన విశ్లేషించారు.ఈ మ్యాచ్ ఫలితాన్ని నిర్ణయించే అంశం బుమ్రా బౌలింగేనని గవాస్కర్ స్పష్టం చేశారు. ముఖ్యంగా పవర్‌ప్లేలోనే బుమ్రాతో కనీసం రెండు ఓవర్లు వేయించాలని ఆయన సూచించారు. “పవర్‌ప్లేలో బుమ్రా బౌలింగ్‌కు వస్తే Jos Buttler, Phil Salt, Harry Brook వంటి కీలక బ్యాటర్ల వికెట్లు తీసే అవకాశం ఉంటుంది. అలా జరిగితే ఇంగ్లండ్ బ్యాటింగ్‌పై పెద్ద ప్రభావం పడుతుంది. అతని బౌలింగ్‌ను అంచనా వేయడం చాలా కష్టం కాబట్టి అన్ని ఫార్మాట్లలోనూ అతను అత్యంత ప్రమాదకరమైన బౌలర్‌గా నిలుస్తున్నాడు” అని గవాస్కర్ వివరించారు.భారత్ జట్టుకు ఉన్న మరో ప్రధాన బలం బ్యాటింగ్ ఆర్డర్‌లోని ఫ్లెక్సిబిలిటీ అని ఆయన అన్నారు. దీనికి Tilak Varma మంచి ఉదాహరణ అని ప్రశంసించారు. “తిలక్ వర్మ చాలా తెలివైన ఆటగాడు. మ్యాచ్ పరిస్థితులకు అనుగుణంగా తన ఆటను మార్చుకునే సామర్థ్యం అతనికి ఉంది. అతను నంబర్ 3లోనే కాకుండా అవసరమైతే 5 లేదా 6వ స్థానంలో కూడా సమర్థంగా బ్యాటింగ్ చేయగలడు. Sanju Samsonపై ఒత్తిడి తగ్గిస్తూ అతను ఆడిన తీరు అద్భుతం. తిలక్ లాంటి ఆటగాళ్లు జట్టులో ఉండటం భారత్‌కు అదృష్టం” అని ఆయన పేర్కొన్నారు.ఇదే సమయంలో ఈ టోర్నీలో పెద్దగా రాణించకపోయినా ఇంగ్లండ్ కెప్టెన్ Jos Buttlerను తక్కువ అంచనా వేయకూడదని గవాస్కర్ హెచ్చరించారు. “ఫామ్‌లో లేకపోయినా బట్లర్ చాలా ప్రమాదకరమైన బ్యాటర్. అతని వికెట్‌ను త్వరగా పడగొట్టడం భారత్‌కు కీలకం. అతను ఫామ్ అందుకుంటే మ్యాచ్ దిశే మారిపోవచ్చు” అని గవాస్కర్ అభిప్రాయపడ్డారు.