ట్రెండింగ్
ముగిసిన ఎమ్మెల్సీ ఎన్నికల కౌంటింగ్
Andhra Pradesh Telugu | Suryaa Desk | Published : Thu, Mar 23, 2023, 08:33 PM
ఆంధ్రప్రదేశ్ లో ఉత్కంఠ రేపిన ఎమ్మెల్యే కోట ఎమ్మెల్సీ ఎన్నికల కౌంటింగ్ ముగిసింది. మొత్తం 7 స్థానాలకు ఎన్నికలు జరగ్గా... వైసీపీ 6, తెలుగుదేశం పార్టీ ఒక స్థానంలో గెలుపొందాయి. తెలుగుదేశం పార్టీ అభ్యర్థిగా పంచుమూర్తి అనురాధ 23 ఓట్లతో గెలుపొందారు. వైసీపీ తరపున బొమ్మి ఇజ్రాయిల్ (22 ఓట్లు), ఏసురత్నం (22), పోతుల సునీత (22), సూర్యనారాయణరాజు (22), మర్రి రాజశేఖర్ (22) గెలుపొందారు. వైసీపీ ఇతర అభ్యర్థులు జయమంగళ వెంకటరమణ, కోల గురువులుకు 21 ఓట్లు రాగా...రెండో ప్రాధాన్య ఓట్లను లెక్కించారు. ఈ ప్రక్రియలో వెంకటరమణ అంతిమ విజయం సాధించారు. వెంకటరమణ ఇటీవల తెలుగుదేశం ని వీడి వైసీపీలో చేరారు.
|
|