ట్రెండింగ్
రామాలయ నిర్మాణంపై యోగి సంచలన వ్యాఖ్యలు
national | Suryaa Desk | Published : Mon, Dec 24, 2018, 01:54 PM
లక్నో : ఉత్తరప్రదేశ్ రాష్ట్ర ముఖ్యమంత్రి యోగి ఆదిత్యనాథ్ రామాలయం నిర్మాణంపై వ్యాఖ్యలు చేశారు. అయోధ్యలో రామాలయం నిర్మాణం బీజేపీ ఒక్క పార్టీతోనే సాధ్యమవుతుందని సీఎం యోగి ఆదిత్యనాథ్ వ్యాఖ్యానించారు. బీజేపీ, అఖిలభారతీయ విద్యార్థి పరిషత్ కార్యకర్తలనుద్దేశించి యోగి ఆదిత్యనాథ్ మాట్లాడారు. రామాలయం నిర్మించే వారికి ఓటేయాలని యోగి కోరారు. దేవాలయంలో గోత్రం చెప్పి ప్రజలను తప్పుదోవ పట్టించేందుకు కాంగ్రెస్ పార్టీ అధ్యక్షుడు రాహుల్ గాంధీ యత్నిస్తున్నారని ఆయన ఆరోపించారు. అలహాబాద్ లోని సంగమ తీరంలో ఉన్న ఖిలాలో అక్షయ్ వత్, సరస్వతి కూప్ ఆలయాలను భక్తులకు అందుబాటులోకి తీసుకువస్తామన్నారు. ఈ ఆలయాలను కుంభమేళా సందర్భంగా భక్తులు సందర్శించుకునేలా ఏర్పాట్లు చేస్తామని చెప్పారు. కుంభమేళా మానవత్వం, సామాజిక సామరస్యానికి ప్రతీక అని యోగి వివరించారు.
|
|