డొనాల్డ్ ట్రంప్ కారణంగానే అమెరికా ప్రతిష్ట దెబ్బతింటోందని మాజీ అధికారులు ఆరోపణలు

భారత్‌పై అమెరికా అధ్యక్షుడు డొనాల్డ్ ట్రంప్ (Donald Trump) విధించిన భారీ సుంకాలు ఇప్పుడు అమెరికా అంతర్గతంగానే పెద్ద చర్చకు దారి తీస్తున్నాయి. ట్రంప్ అనుసరిస్తున్న కఠిన వైఖరి అమెరికా ప్రతిష్ఠను దెబ్బతీస్తోందని, వ్యూహాత్మకంగా కీలకమైన భారత్‌ను చైనాకు మరింత దగ్గర చేస్తున్నదని వైట్‌హౌస్ మాజీ సీనియర్ అధికారి జేక్ సలివాన్ (Former White House official Jake Sullivan) తీవ్ర విమర్శలు చేశారు. ఇటీవల ‘ది బల్వార్క్’ పాడ్‌కాస్ట్‌లో మాట్లాడుతూ, ట్రంప్ విధానాలపై సలివాన్ ఘాటుగా స్పందించారు.అమెరికా ప్రతిష్ఠ క్షీణిస్తోంది సలివాన్ వ్యాఖ్యానిస్తూ, ఒకప్పుడు ప్రపంచంలో నమ్మకమైన దేశం అమెరికానే అయితే, ఇప్పుడు అనేక దేశాలు చైనాను మరింత బాధ్యతాయుతంగా భావిస్తున్నాయని చెప్పారు. ట్రంప్ తీసుకుంటున్న నిర్ణయాల వల్ల మిత్రదేశాలు అమెరికాపై విశ్వాసం కోల్పోతున్నాయని ఆందోళన వ్యక్తం చేశారు.భారత్‌తో వాణిజ్య యుద్ధం సలివాన్ ప్రకారం, అమెరికా భారత్‌తో సన్నిహిత సంబంధాలు ఏర్పరచుకోవాల్సిన అవసరం ఉంది. కానీ ట్రంప్ మాత్రం ఆ దేశంపై భారీ వాణిజ్య యుద్ధాన్ని మోపారని ఆరోపించారు. ఈ ధోరణి కొనసాగితే భారత్ చైనాతో చర్చలు జరిపే అవకాశముందని, అది అమెరికాకు పెద్ద దెబ్బ అవుతుందని హెచ్చరించారు. భారత్ నుంచి వచ్చే పలు ఉత్పత్తులపై ట్రంప్ సుంకాలను 50% వరకు పెంచారని గుర్తుచేశారు. దీనికి అధికారిక కారణంగా అన్యాయ వాణిజ్య పద్ధతులు, అలాగే భారత్ రష్యా నుంచి చమురు దిగుమతులు కొనసాగించడం అని అమెరికా చెబుతున్నప్పటికీ, రాజకీయ వర్గాల్లో వేరే కథనం వినిపిస్తోంది. ట్రంప్ పాకిస్థాన్ వివాదంలో మధ్యవర్తిత్వం చేస్తానన్న ప్రతిపాదనను భారత్ తిరస్కరించడంతో కోపంతోనే ఈ భారీ సుంకాలు విధించారని విశ్లేషకులు అంటున్నారు.మాజీ అధికారుల ధ్వజమెత్తింపుట్రంప్ నిర్ణయాలపై సలివాన్ మాత్రమే కాకుండా పలువురు మాజీ అధికారులు కూడా విమర్శలు గుప్పించారు. ఒబామా కాలంలో విదేశాంగ మంత్రిగా పనిచేసిన జాన్ కెర్రీ మాట్లాడుతూ, “గొప్ప దేశాలు బెదిరింపులకు దిగవు, సమస్యలను దౌత్యపరమైన మార్గాల్లోనే పరిష్కరిస్తాయి” అని అన్నారు. అదే విధంగా, ట్రంప్ మాజీ సహాయకుడు జాన్ బోల్టన్ కూడా మండిపడి, “దశాబ్దాలుగా అమెరికా భారత్‌ను రష్యా, చైనా ప్రభావం నుంచి దూరంగా ఉంచేందుకు కృషి చేసింది. కానీ ట్రంప్ ఒక్క నిర్ణయం ఆ ప్రయత్నాలను ప్రమాదంలోకి నెట్టేసింది” అని వ్యాఖ్యానించారు.భారత్-అమెరికా సంబంధాల భవిష్యత్ఈ సుంకాల వివాదం భారత్-అమెరికా వ్యూహాత్మక సంబంధాలపై ప్రతికూల ప్రభావం చూపే అవకాశం ఉందని నిపుణులు చెబుతున్నారు. భాగస్వామ్యం మరింత బలపడాల్సిన సమయంలో వాణిజ్య యుద్ధం అడ్డంకిగా మారిందని విశ్లేషకులు అభిప్రాయపడ్డారు. భారత్ ఇప్పటికే అమెరికాతో ఉన్న సంబంధాలను పునరాలోచిస్తున్న సంకేతాలు ఇస్తోందని, ట్రంప్ తీసుకుంటున్న నిర్ణయాలు అమెరికా దీర్ఘకాల ప్రయోజనాలకు వ్యతిరేకంగా మారే ప్రమాదం ఉందని హెచ్చరిస్తున్నారు.