రెండోసారి తండ్రి కాబోతున్న భారత వికెట్ కీపర్
Andhra Pradesh Telugu | Suryaa Desk | Published : Sat, Oct 26, 2019, 08:53 PM
భారత వికెట్ కీపర్ వృద్ధిమాన్ సాహా రెండోసారి తండ్రి కాబోతున్నాడు. గురువారం 35వ పుట్టిన రోజు జరుపుకున్న సాహా.. ఈ విషయాన్ని తానె స్వయంగా ప్రకటించాడు. తన భార్య రోమీ మిత్ర ప్రస్తుతం గర్భవతి అని చెప్పుకొచ్చిన సాహా.. త్వరలోనే తమ కుటుంబంలోకి ఒకరు రాబోతున్నట్లు ప్రకటించాడు. 2011లో సాహా, రోమీ వివాహం జరగగా.. వీరికి 2013లో ఒక పాప పుట్టింది. ఆ పాప పేరు అన్వి.భారత మాజీ కెప్టెన్ మహేంద్రసింగ్ ధోనీ టెస్టులకి రిటైర్మెంట్ ప్రకటించిన తర్వాత.. 2015 నుంచి టెస్టుల్లో సాహానే అగ్రశ్రేణి కీపర్గా కొనసాగాడు. కానీ.. గత ఏడాది గాయంతో అతను జట్టుకి దూరమవగా.. వరుసగా ఇంగ్లాండ్, ఆస్ట్రేలియా పర్యటనల్లో అవకాశం దక్కించుకున్న రిషబ్ పంత్.. రెండు సిరీస్ల్లోనూ శతకాలు బాదేసి సాహాకి పోటీగా నిలిచాడు. అయితే.. ఇటీవల వెస్టిండీస్ పర్యటనలో పంత్ విఫలమవగా.. వారం క్రితం దక్షిణాఫ్రికాతో ముగిసిన టెస్టు సిరీస్లో అతనిపై వేటు వేసిన సెలక్టర్లు.. మళ్లీ సాహాకి అవకాశమిచ్చారు.దాదాపు ఏడాదన్నర తర్వాత అవకాశం దక్కించుకున్న సాహా.. కీపింగ్లో మెరుపులు మెరిపించాడు. ముఖ్యంగా.. ఫాస్ట్ బౌలర్ల బౌలింగ్లో పక్కకి డైవ్ చేస్తూ అతను అందుకున్న క్యాచ్లు సిరీస్కే హైలైట్గా నిలిచాయి. స్పిన్నర్ల బౌలింగ్లోనూ అతను సమర్థంగా కీపింగ్ చేయడంతో.. నవంబరు మూడో వారం నుంచి బంగ్లాదేశ్తో ప్రారంభంకానున్న రెండు టెస్టుల సిరీస్లోనూ అతనికి అవకాశం దక్కింది.
|
|