నిరుద్యోగులకు గుడ్ న్యూస్ చెప్పిన ఏపీ సర్కార్
Andhra Pradesh Telugu | Suryaa Desk | Published : Mon, Dec 23, 2019, 10:57 AM
ఏపీలో ఉద్యోగాల కోసం ఎంతో కాలంగా ఎదురుచూసున్న నిరుద్యోగులకు ఏపీ సర్కార్ గుడ్ న్యూస్ చెప్పింది. సీఎం జగన్ ముందుగానే ప్రకటించినట్లుగా జనవరిలో ఉద్యోగ కలెండర్ ను విడుదల చేయనున్నారు. వివిధ శాఖల్లో ఖాళీగా ఉన్న ఉద్యోగాలకు నోటిఫికేషన్లు ఇచ్చేందుకు అధికారులు సిద్ధమవుతున్నారు. ఇందుకు సంబంధించి సీఎం జగన్ ఇప్పటికే గ్రీన్ సిగ్నల్ ఇవ్వడంతో 20 వేల టీచర్ల పోస్టులకు రంగం సిద్ధమైంది. జనవరి చివరి వారంలో డీఎస్సీ నోటిఫికేషన్ ఇచ్చేందుకు అధికారులు సిద్ధమవుతున్నారు. ఏమాత్రం ఆలస్యం లేకుండా వీలైనంత త్వరగా టీచర్ల పోస్టుల భర్తీ చేయనున్నారు. వచ్చే ఏడాది నుంచి ప్రభుత్వ స్కూల్ ల్లో ఇంగ్లీష్ మీడియం ప్రవేశపెడుతామని సీఎం జగన్ ప్రకటించారు. అందుకు తగ్గట్లుగానే టీచర్ల పోస్టులకు భర్తీ ఉంటుందని అధికారులు తెలిపారు. జనవరి తొలి వారంలో టెట్ నిర్వహించనున్నారు. దీంతో పాటు ఏపీపీసీఎస్సీ ద్వారా వివిధ శాఖలో ఉన్న పోస్టులను కూడా భర్తీ చేయనున్నారు.
|
|