ఓ టీస్పూన్ మీగడతో,,,,చపాతీలు గట్టిపడకుండా చాలా మెత్తగా

మన ఇళ్లల్లో చపాతీలు ఎక్కువగా చేసుకుని తింటుంటాం. చలి కాలంలో శరీరంలో వేడి కోసం చపాతీలు ఎక్కువగా తింటుంటారు. ఇక, ఉత్తర భారతదేశంలో అన్నం కన్నా రోటీలనే ఎక్కువగా తింటుంటారు. చపాతీలు చేయడం ఎంతో కష్టంతో కూడుకున్న పని. పిండిని పిసికి గుండ్రంగా రోటీలుగా చేసి.. ఆపై వాటిని కాల్చడం వరకు సమయం, కృషి రెండూ అవసరం.

అయితే, చాలా మంది చపాతీలను తయారు చేస్తారు. కానీ వాటిని తినే సమయం వచ్చేసరికి అవి చాలా గట్టిగా మారుతుంటాయి. దీంతో పడ్డ కష్టమంతా వృధా అవుతుంది. అంతేకాకుండా గట్టి చపాతీలు తినడానికి అంతగా రుచిగా ఉండవు. చాలా మంది చపాతీలు మెత్తగా రావాలని కోరుకుంటారు. అవి గట్టిపడేసరికి బాధపడతారు. అలాంటి వారి కోసం కంటెంట్ క్రియేటర్ విన్ను ఓ సింపుల్ చిట్కాను తన ఇన్‌స్టాగ్రామ్ అకౌంట్‌లో షేర్ చేశారు. ఇంతకీ ఆ చిట్కా ఏంటో ఇప్పుడు తెలుసుకుందాం.

ఆ చిట్కా ఏంటి?

ఈ చిట్కా పాటించడం చాలా సులభం. ఇందుకోసం ఒక టీ స్పూన్ మీగడ ఉంటే చాలు. దీన్ని పిండిలో కలిపితే చపాతీలు మెత్తగా వస్తాయి. అంతేకాకుండా రుచిగా ఉంటాయి. దీని వెనక కారణాలు కూడా ఉన్నాయి. మీగడ కలిపితే చపాతీలు సూపర్ సాఫ్ట్‌గా ఎలా వస్తాయి, దాని ఎలా వాడాలో ఇప్పుడు తెలుసుకుందాం.

చపాతీల్ని మృదువుగా, మెత్తగా చేస్తుంది

​మీగడలో సహజ కొవ్వు ఉంటుంది. ఇది పిండిలోని గ్లూటెన్ చాలా గట్టిగా మారకుండా నిరోధిస్తుంది. గ్లూటెన్ సమతుల్యంగా ఉన్నప్పుడు చపాతీలు చుట్టడం సులభం. అవి కాల్చినప్పుడు చాలా మెత్తగా ఉంటాయి. మీగడ పిండిలో తేమను నిలుపుకుంటుంది.

మీరు సాయంత్రం పూట చపాతీలు తయారు చేసుకుంటే ఈ పద్ధతి చాలా ప్రయోజనకరంగా ఉంటుంది. మీగడ రోటీల్ని ఎక్కువసేపు మృదువుగా ఉంచడానికి అవి త్వరగా గట్టి పడకుండా నిరోధించడానికి సాయపడుతుంది.

ఈ చిట్కాతో చపాతీలు మెత్తగా వస్తాయి

రుచి, వాసనను పెంచుతుంది

కొద్దిగా మీగడ చపాతీ పిండిలో యాడ్ చేయడం వల్ల అవి రోటీలకు సున్నితమైన గొప్పతనాన్ని జోడిస్తుంది. దీని వల్ల అవి ఎక్కువ నెయ్యి లేదా వెన్న అవసరం లేకుండా రుచికరంగా ఉంటాయి. చపాతీలు మెత్తగా మార్చడమే కాకుండా రుచికరంగా మారుస్తుంది.

మీరు ప్రతిరోజూ ఎక్కువగా నెయ్యి లేదా నూనె జోడించకూడదనుకుంటే, మీగడ మంచి ఆప్షన్. తరచుగా చపాతీలు కొన్ని గంటల తర్వాత గట్టిపడతాయి. అయితే, పిండికి మీగడ యాడ్ చేయడం వల్ల ఈ సమస్య గణనీయంగా తగ్గుతుంది. ఎందుకంటే మీగడలో ఉండే సహజ కొవ్వు చపాతీ ఆకృతిని మెరుగుపరుస్తుంది.

ఎలా వాడాలో తెలుసా?

ఒక కప్పు గోధుమపిండికి.. ఒక టీస్పూన్ మీగడ సరిపోతుంది. గోధుమ పిండి పిసికేటప్పుడు మీగడ జోడించండి. పిండిని ఎప్పటిలాగే గోరువెచ్చని నీటితో పిసికి 10–15 నిమిషాలు మూతపెట్టి, ఆపై రోటీలు తయారు చేయండి. పిండికి మీగడ యాడ్ చేయడం వల్ల అవి సూపర్ సాఫ్ట్‌గా, స్మూత్‌గా వస్తాయి. అంతేకాకుండా రుచిగా కూడా ఉంటాయి.

చపాతీల్ని ఎలా నిల్వ చేయాలి?

చపాతీలు గట్టిపడకుండా ఉండాలంటే నిల్వ చేయడం కూడా చాలా ముఖ్యం. కాల్చిన వెంటనే చపాతీల్ని ఒక కంటైనర్‌లో నిల్వ చేయండి. చపాతీ కొద్దిగా వేడిగా ఉంటే, దానిని ఒక గుడ్డలో చుట్టి ఒక కంటైనర్‌ అంటే పాత్రలో నిల్వ చేయండి. ఇది తడిగా, గట్టిగా మారకుండా నిరోధిస్తుంది. చివరగా పిండిని సరిగ్గా పిసికి కలుపుకోవడం చాలా ముఖ్యం. పాన్ వేడిని చెక్ చేయండి. రెండు వైపులా సరిగ్గా కాల్చండి. చపాతీ ఆకృతిని గమనించండి. దానిని సరిగ్గా స్టోర్ చేయండి. ఈ చిట్కాలతో చపాతీలు మెత్తగా వస్తాయి.