మసాలా ప్లాంట్ బిజినెస్ తో అదిరే ఆదాయం

లోకల్ యాప్ ఇటీవల మసాలా ప్యాక్ అండ్ సేల్ బిజినెస్ గురించిన వివరాలను తెలిపింది. అయితే లోకల్ యాప్ ఈ రోజు మసాలా ప్లాంట్ బిజినెస్ గురించి వివరించబోతుంది. మసాలకు నిత్యం మార్కెట్ లో డిమాండ్ ఉంటూనే ఉంటుంది. కాబట్టి ఈ బిజినెస్ ఎంతో లాభదాయకం. అయితే ఈ బిజినెస్ కి మార్కెటింగ్ అనేది ఎంతో అవసరం. ఈ వ్యాపారం ఒక రిస్క్ లేని బిజినెస్. మనకి మార్కెట్ లో చికెన్ మసాలా, గరం మసాలా, ఫిష్ కర్రీ మసాలా, మటన్ మసాలా అని ఇలా ఎన్నో రకాల మసాలాలు అందుబాటులో ఉంటాయి. కాబట్టి వీటన్నింటినీ కూడా మనం ప్రొడక్షన్ చేసి బిజినెస్ చేయవచ్చు. అంతేకాకుండా ఈ బిజినెస్ ని మహిళలు కూడా చేయవచ్చు. ఇక ఈ బిజినెస్ కు సంబంధించిన పూర్తి వివరాలను తెలుసుకుందాం.ఈ మసాలా ప్లాంట్ ను ప్రారంభించడానికి మనకి మిషనరీ, రా మెటీరియల్ కు గాను ఆరంభంలో రెండు లక్షల వరకు పెట్టుబడి అవుతుంది. అయితే దీనికి కొంచెం పెద్ద సైజు గది అనేది కావాల్సి ఉంటుంది. మిషనరీ విషయానికి వస్తే మనకు మసాలా తయారుచేయడానికి 2 హెచ్ పి మసాలా మేకింగ్ మిషన్ కావాల్సి ఉంటుంది. ఇక మసాలాకు అవసరమైన అన్ని పదార్థాలు కావాల్సి ఉంటుంది. వాటితో పాటు మసాలా రకానికి సంబంధించిన మటన్, చికెన్, ఫిష్ కర్రీలకు సంబంధించిన పదార్థాలు కూడా అవసరమవుతాయి. అయితే మసాలా సేల్ కు మనకు బ్రాండింగ్ నేమ్ అనేది అవసరం అవుతుంది. బ్రాండ్ ఉంటే మార్కెటింగ్ అనేది చాలా సులభతరం అవుతుంది. ఈ బిజినెస్ లో కనీసం 60 శాతం వరకు లాభాలు ఉంటాయి. అంటే నెలకు రెండు లక్షల రూపాయల బిజినెస్ చేసినట్లయితే లక్షా 20 వేల రూపాయల వరకు సంపాదించుకునే అవకాశం ఉంటుంది.ఈ వ్యాపారానికి ఒక విషయాన్ని దృష్టిలో ఉంచుకోవాలి. అదేంటంటే మార్కెటింగ్. మార్కెటింగ్ బాగా చేస్తే ఈ బిజినెస్ లో నిలదొక్కుకోవడం చాలా సులభం. మన ప్రొడక్ట్ మార్కెటింగ్ కొరకు మనం మన పట్టణంలో ఉన్న కిరాణా దుకాణాలు, డిపార్ట్మెంటల్ స్టోర్స్, సూపర్ మర్కెట్స్ వారిని సంప్రదించి వారికి ఇప్పటికే సప్లై చేస్తున్న వారి కంటే తక్కువ ధరకే అందిస్తామని ఒప్పందం చేసుకోవాలి. తద్వారా మార్కెట్ లో మన ప్రొడక్ట్ వేగంగా పుంజుకోవడానికి అవకాశం ఉంటుంది. ఇలా మన పట్టణంలో మన ప్రొడక్ట్ నిలదొక్కుకున్న తర్వాత ఇతర పట్టణాలకు కూడా ప్రొడక్ట్ ని సప్లై చేయాలి. ఇలా చేస్తే మనం ఎక్కువ లాభాలను పొందడానికి అవకాశం ఉంటుంది.చూసారు కదా ఇవాల్టి స్వయం ఉపాధి మార్గాన్ని. ఇటువంటి వ్యాపారాలను ప్రారంభించే ముందు తగిన పరిశోధన చేసి మార్కెటింగ్ గురించి తెలుసుకున్న తర్వాత మాత్రమే వ్యాపారాన్ని ప్రారంభించాల్సిందిగా లోకల్ యాప్ కోరుతుంది.