కొత్త అవతారమెత్తిన సన్నీ లియోన్
national | Suryaa Desk | Published : Fri, Aug 28, 2020, 09:57 PM
సన్నీలియోన్ అంటే అందరికీ టక్కున గుర్తుకు వచ్చేది శృంగార తార అని. ఆ విషయంలోనే కాదు చదువులోనూ సన్నీ టాపర్ అని తెలుస్తోంది. సినీ రంగంలో ఓ వెలుగు వెలిగిన సన్నీ లియోన్ ఇప్పుడు కాలేజీ బాట పట్టిందట. అందుకే కోల్ కతా లోని ఓ డిగ్రీ కాలేజీ అడ్మిషన్ కు అప్లై చేసిందట. అంతేకాదు అడ్మిషన్ లిస్ట్లో సన్నీలియోన్ టాపర్గా నిలిచింది. నలభై ఏళ్ల వయసులో సన్నీ ఇంటర్ లో 400/400 మార్కులు సాధించి డిగ్రీ కాలేజీ అడ్మిషన్ లిస్ట్లో టాపర్ గా నిలిచింది.ఎప్పుడూ సినిమాలతో బిజీగా ఉండే సన్నీలియోన్ ఈ వయసులో సినిమాలు మానేసి కాలేజీకి వెళ్లి చదువుకోవాలని ఎందుకు డిసైడ్ అయ్యిందా అన్న అనుమానం కలుగుతుంది కదూ. ప్రస్తుతం దేశంలో కరోనా తెచ్చిన కష్టంతో ఆన్లైన్లోనే అడ్మిషన్లు జరుగుతున్నాయి. ఇంటర్ పాసైనవారు డిగ్రీ కళాశాలలకు దరఖాస్తు చేసుకున్నారు. కోల్కతాలోని అశుతోష్ డిగ్రీ కాలేజీ అడ్మిషన్లు కూడా ప్రారంభించింది. అయితే ప్రతిభ ఆధారంగా అడ్మిషన్లను ఒక వరుస క్రమంలో పెట్టింది. అనంతరం సర్టిఫికెట్ల వెరిఫికేషన్ కోసం తొలి జాబితాను తమ వెబ్సైట్లో పొందుపరిచింది.ఆ జాబితాలో మొదటి వరుసలో బాలీవుడ్ నటి సన్నీలియోన్ పేరు చూసి విద్యార్థులతో పాటు, కళాశాల యాజమాన్యం ఖంగుతింది. సన్నీ లియోన్ పేరిట ఎవరో తప్పుడు దరఖాస్తు పంపించారని యాజమాన్యం భావించింది. ఎవరో కావాలనే చేసి ఉంటారని భావించింది. వెంటనే ఆ పేరును జాబితా నుంచి తొలగించింది. సన్నీ పేరిట బీఏ(ఆంగ్లం)లో సీటు కోసం దరఖాస్తు చేసిన వారు ఎవరై ఉంటారా అన్న కోణంలో అడ్మిషన్ విభాగం విచారణ చేపట్టింది.
|
|