తమ్ముడి వరుస కుర్రాడితో గర్భం..చివరికి

తమ్ముడి వరుస వ్యక్తితో గర్భం దాల్చిన ఓ ప్రైవేట్ స్కూల్ టీచర్ బిడ్డను ప్రసవిస్తూ ప్రాణాలు విడిచింది. చెన్నైలో జరిగిన ఈ దారుణ ఘటన వివరాలు ప్రముఖ వెబ్ సైట్ కథనం ఆధారంగా ఇలా ఉన్నాయి. దిండుగల్‌ జిల్లా పళని సమీపంలోని ఆరుకుడికి చెందిన మంగయకరసి (29) ప్రైవేటు స్కూల్‌ లో టీచర్‌ గా పని చేస్తోంది. గతేడాది లాక్ డౌన్ సమయంలో ఇంట్లో నుంచి ఆన్ లైన్ క్లాసులు తీసుకుంటోంది. ఇదే సమయంలో ఆమె ఇంటికి సమీపంలో ఉన్న వరుసకు తమ్ముడు అయ్యే వ్యక్తితో క్లోజ్ అయింది.

ఈ విషయం ఇంట్లో తెలిసినా ఏమీ అనలేదు. కారణం తమ్ముడి వరుస కావడమే. హద్దులు దాడిన వీరి బంధం శారీరకంగా కలిసే వరకు వెళ్లింది. ఫలింతంగా మంగయకరసి గర్భం దాల్చింది. అబార్షన్‌ కూడా చేయలేని పరిస్థితికి వెళ్లడంతో ఆమె కుటుంబ సభ్యులు కంగారు పడ్డారు. తమ్ముడి వరుస వ్యక్తితో గర్భం వచ్చింది అంటే పరువు పోతుందని ఈ విషయం ఎవరికి తెలియకుండా జాగ్రత్త పడ్డారు. తీరా ప్రసవం సమయం రానే వచ్చింది. ఆసుపత్రికి వెళ్తే విషయం బయటకు పొక్కుతుందని ఇంట్లోనే ప్రసవం చేశారు. మగ బిడ్డ జన్మించాడు.

అయితే, తీవ్ర రక్తస్త్రావంతో మంగయకరసి అపస్మారక స్థితిలోకి వెళ్లడంతో ఆసుపత్రికి తీసుకెళ్లక తప్పలేదు. అక్కడ ఆమె ప్రాణాలు కోల్పోయింది. దీంతో ఇంటికి తీసుకువచ్చి అంత్యక్రియలు నిర్వహించారు. ఆ పసికందును చెత్తకుప్పలో పారేశారు. ఇంత వరకు బాగానే ఉన్నా.. హడావుడిగా ఆసుపత్రికి తరలించడం, డెడ్ బాడీని తీసుకువచ్చి వెంటనే అంత్యక్రియలు జరపడంపై స్థానికులకు అనుమానం కలిగింది.

వ్యవహారం పోలీసుల దృష్టికి చేరడంతో బండారం మొత్తం బట్టబయలైంది. దీంతో ఇంట్లో ప్రసవం చేసిన విషయం తెలిసి ఆమె తల్లి తంగం, సోదరి గణేషప్రియ, తమ్ముడు కాళిదాసులను, గర్భం రావడానికి కారణం అయిన వ్యక్తిని పోలీసులు అరెస్ట్ చేశారు. కాగా చెత్తకుప్పలో పారేసే సమయంలో బిడ్డ ప్రాణాలతోనే ఉందని కుటుంబ సభ్యులు చెప్పడంతో ఆ పాప జాడ కోసం పోలీసులు అన్వేషణ మొదలు పెట్టారు.