యువతి చెప్పిన కారణం విని పోలీసులు షాక్!

జ్యూయలరీ షాప్ కు వెళ్లిన ఓ 21 ఏళ్ల యువతి చేసిన పనికి ఆమె చేతులు కట్టేసి చితకబాదారు. గుజరాత్‌లోని అహ్మదాబాద్‌లోని ఓ జ్యూయలరీ షాప్ లో ఈ ఘటన జరిగింది. నరోడా ప్రాంతంలో ఓ జ్యూయలరీ షాప్‌కు షాపింగ్ చేస్తున్నట్టుగా సదరు యువతి వెళ్లింది. అది చూపించండి ఇది చూపించండి అని షాప్ వారిని ఆర్డర్ వేసింది. నగలు చూపిస్తుండగానే తన హస్తకళను ప్రదర్శించడం మొదలు పెట్టింది. ఆభరణాలను దొంగిలిస్తుండగా యజమాని గమనించాడు. వెంటనే ఆమెను పట్టుకుని ఇరుగుపొరుగువారిని పిలిచాడు. అంతా గుమిగూడి ఆమె చేతులను తాళ్లతో కట్టేసి దారుణంగా కొట్టారు. ఆ తర్వాత విషయం తెలుసుకున్న పోలీసులు అక్కడికి చేరుకునే లోపే ఆ అమ్మాయిని ఒంటరిగా వేదిలేసి ఎక్కడి వారు అక్కడికి వెళ్లిపోయారు. ఘటన స్థలనికి చేరుకున్న పోలీసులు ఆ యువతి చేతికట్లు విప్పేసి స్టేషన్ కు తీసుకెళ్లారు.

ఇంట్రాగేషన్ చేసిన పోలీస్ లకు ఆ యువతి చెప్పిన సంగతి ఆశ్చర్యానికి గురి చేసింది. తాను ఎందుకు దొంగతనం చేయాల్సి వచ్చిందో అసలు విషయం బయటపెట్టిందా యువతి. తాను గతంలో ఓ ప్రైవేట్ కంపెనీలో ఉద్యోగం చేసేదాన్ని. ప్రస్తుతం ఉద్యోగం కోల్పోయాను. ఈ క్రమంలో తనకు తెలిసిన ఓ వ్యక్తి 'నవ్‌కర్ ఆర్నమెంట్స్' లో చోరీ చేయాలని తనను బ్లాక్ మెయిల్ చేశాడని చెప్పుకొచ్చింది. తనకు ఓ వ్యక్తితో ఎఫైర్ ఉందని చెప్పిన ఆ యువతి.. చోరీ చేయకుంటే ఈ విషయాన్ని బయటపెడతానని సదరు వ్యక్తి బ్లాక్ మెయిల్ చేస్తే ఈ పనికి దిగానని ఒప్పుకుంది. అయితే చోరీ చేస్తే పోలీసులకు సమాచారం ఇవ్వకుండా ఇలా అమానుషంగా దాడి చేసిన వారిని గుర్తించి చర్యలు తీసుకుంటామని పోలీసులు చెప్పారు.