హెలికాప్టర్ కూలడానికి కారణం అదేనా?
national | Suryaa Desk | Published : Thu, Dec 09, 2021, 12:04 PM
తమిళనాడులోని కున్నూర్ సమీపంలో ఆర్మీ హెలికాప్టర్ కుప్ప కూలడానికి పొగమంచే కారణమా?. మరో 5 కిలోమీటర్లు ప్రయాణిస్తే గమ్యం చేరుకుంటారనగా ఈ ఘోరం జరిగిపోయింది. త్రిదళాధిపతి (సీడీఎస్) జనరల్ బిపిన్ రావత్ (63), ఆయన సతీమణి మధులిక సహా మొత్తం 14 మంది ప్రయాణిస్తుంన్న హెలికాప్టర్ కుప్పకూలింది. ఈ దుర్ఘటనలో 13 మంది మృత్యువాత పడ్డారు. అయితే
తమిళనాడులో గత కొంత కాలంగా కురుస్తున్న వర్షాలే ఈ ప్రమాదానికి కారణమా అనే అనుమానాలు వ్యక్తం అవుతున్నాయి. సూలూర్ నుంచి బయల్దేరే ముందు ఆ మార్గంలో తక్కువ ఎత్తులో మబ్బులు ఉంటాయని, గాలిలో తేమ ఎక్కువగా, కొద్ది పాటి వర్షం ఉంటుందని వాతావరణ సూచనలో తెలిపారు. దట్టమైన పొగమంచు కారణంగా ఎత్తుకు వెళ్లే కొద్దీ విజిబులిటీ తగ్గుతుంది. గత మూడు రోజులుగా నీలగిరి కొండ ప్రాంతంలో అత్యధికంగా పొగ మంచు కమ్మకుంది. ప్రమాద సమయంలో విజిబులిటీ లేనందున చాపర్ పైలట్ ఎత్తును తగ్గించే క్రమంలో నీలగిరి కొండల్లో ఉన్న కార్టెన్ పార్క్ దగ్గర చెట్టును ఢీ కొన్నారు. దీంతో హెలికాప్టర్ అదుపు తప్పి కుప్పకూలినట్లు స్థానికులు చెబుతున్నారు. గంటకు 250 కిలోమీటర్ల వేగంతో దూసుకుపోయే ఎంఐ-175వి5 హెలికాప్టర్.. పొగమంచు లేకుంటే మరో రెండు నిమిషాల్లో వెల్లింగ్టన్ లో ల్యాండ్ అయ్యేది. కానీ అంతలోనే దురదృష్టం వెంటాడింది.
|
|