ఆ వెసలుబాటుతో...ఏకంగా ఆరు ఉద్యోగాలు చేస్తున్నాడు

కరోనా కారణంగా వర్క్ ఫ్రం హోంకు వెసులుబాటు  దొరకడంతో ఓ వ్యక్తి ఏకంగా ఆరు ఉద్యోగాలను చక్కచక్క చేసేస్తున్నాడు. కరోనా ఎంట్రీతో ఉద్యోగాల్లో చాలా మార్పులు వచ్చాయి. ముఖ్యంగా వర్క్ ఫ్రమ్ హోం అవకాశం వచ్చింది. కోవిడ్ కారణంగా ఎవరూ వైరస్ బారిన పడకూడదనే ఉద్దేశంతో చాలా కంపెనీలు ఇంటి నుంచే పని చేసే ఏర్పాట్లు చేశాయి. అయితే ఇంటి నుంచి పని చేయడం వల్ల ఉద్యోగులపై ఒత్తిడి పెరిగిందని, పని గంటలు పెరిగాయనే ఆరోపణలు ఉన్నాయి. పలు అధ్యయనాల్లో ఈ విషయం వెల్లడైంది. అంటే చాలామంది ఇంటి నుంచి పనిచేయడం ఒక సవాల్‌గా భావించారు. అలాంటిది ఒక వ్యక్తి ఇంటి నుంచి ఏకంగా ఆరు ఉద్యోగాలు చేస్తున్నాడు. యూర‌ప్‌కు చెందిన ఓ రెడిట్ యూజ‌ర్ ఒకేసారి ఆరు ఉద్యోగాలు చేస్తున్నానని ప్రకటించాడు. ఐటీ కంపెనీలో పనిచేసే ఆయన కోటీశ్వరుడు కావాలనేది తన కల అని, అందుకే ఇన్ని పనులు చేస్తున్నానని తెలియజేశాడు. కరోనా కారణంగా అధిక ఆదాయం కోసం ఎక్కువ ఉద్యోగాలు చేయవలసి వచ్చిందట.. అదేదో బాగుందని కంటిన్యూ చేస్తున్నాడట. ఎక్కువ జీతాన్ని పొందడానికి ఇన్ని పనులు చేస్తున్నాడు. అయితే అవన్ని పార్ట్ టైం జాబ్సో, ఫ్రీలాన్స్ జాబ్సో కాదు.. ఫుల్ టైం వర్క్స్. ఈ ఉద్యోగాల ద్వారా 2022లో సుమారు రూ.5.27 కోట్లు సంపాదించనున్నాడు. వర్క్ ఫ్రమ్ హెమ్ కావడం వల్లే ఇన్ని పనులు చేయగలుగుతున్నానని రెడిట్‌లో ఆ యూజ‌ర్ చెప్పుకొచ్చాడు. కోట్లాది రూపాయలు సంపాదించి, 40 ఏళ్ల రిటైర్ అవ్వాలని లక్ష్యంగా పెట్టుకున్నానని వెల్లడించారు. అయితే దీనిపై నెటిజన్లు రకరకాలుగా స్పందిస్తున్నారు. నిజంగానే ఆరు ఉద్యోగాలు చేస్తున్నావా..? అని ఒకరు అడిగితే.. ఒక్క ఉద్యోగం చేయడానికే కష్టపడుతున్నా.. మాకు కూడా కొన్ని టిప్స్ ఇవ్వొచ్చు కదా అంటూ మరొకరు కామెంట్లు పెట్టారు.