ఉక్రెయిన్ పై దాడులు.. రష్యాకు భారీ నష్టం!
international | Suryaa Desk | Published : Mon, Feb 28, 2022, 12:07 PM
రష్యా సైన్యం వీలైనంత త్వరగా ఉక్రెయిన్ను ఆక్రమించుకోవాలని ప్రయత్నిస్తోంది. కానీ ఉక్రెయిన్ బలగాలు రష్యా సైన్యాన్ని గట్టిగా ప్రతిఘటిస్తున్నాయి. ఈ పోరులో రష్యాకు భారీగానే నష్టం జరిగినట్లు తెలుస్తోంది. రష్యా సైన్యం పెద్ద సంఖ్యలో సైనికులు, ఆయుధ వ్యవస్థలను నష్టపోవాల్సి వస్తోంది. ఉక్రెయిన్ ఆక్రమణ కోసం రష్యా అధ్యక్షుడు పుతిన్ మోహరించిన 1.5 లక్షల మంది సైనికుల్లో కనీసం సగం మంది ఇప్పటికే ఉక్రెయిన్లోకి ప్రవేశించారని అమెరికా రక్షణ శాఖ అంచనా వేస్తోంది. అయినా ఉక్రెయిన్ ఆక్రమణ రష్యాకు కష్టంగానే మారింది.
రష్యా ఇప్పటివరకూ ఉక్రెయిన్ లోని ఒక్క నగరాన్ని కూడా పూర్తిస్థాయిలో స్వాధీనం చేసుకోలేకపోయింది. కీవ్, ఖర్కివ్ లక్ష్యంగా దాడులు చేస్తున్నప్పటికీ అవి చేజిక్కడం లేదు. ఈ రెండు నగరాలూ రష్యా సరిహద్దులకు చేరువలోనే ఉండటం గమనార్హం. దక్షిణ ప్రాంతంలోని మెలిటోపోల్, ఖెర్సాన్ సహా పలు పట్టణాలను తాము చేజిక్కించుకున్నట్లు రష్యా చెబుతోంది.
ఉక్రెయిన్ అంచనాల ప్రకారం రష్యాకు జరిగిన నష్టాల వివరాలు ఇలా ఉన్నాయి.
- 4,300 మంది సైనికులు మరణించారు.
- 27 విమానాలు, 26 హెలికాప్టర్ లు కూలిపోయి ధ్వంసం అయ్యాయి.
- 30 వాహనాలు, 2 పడవలు, 2 డ్రోన్లు ధ్వంసం అయ్యాయి.
- 146 ట్యాంకులు, 706 సాయుధ శకటాలు ధ్వంసం అయ్యాయి.
- 4 బహుళ రాకెట్ ప్రయోగ వ్యవస్థలను రష్యా కోల్పోయింది.
|
|