భర్తని వదిలి బావతో మహిళ ప్రేమాయణం... చివరకి...!
national | Suryaa Desk | Published : Fri, Apr 01, 2022, 12:36 PM
బీహార్ రాష్ట్రంలో పాట్నా సమీపంలోని జెహనాబాద్కు చెందిన ఉత్తమ్ కుమారి అనే యువతి తమ గ్రామంలోనే ఓ యువకుడితో ప్రేమలో పడింది. ఈ వ్యవహారం ఇష్టంలేని యువతి తల్లిదండ్రులు ఆమెను మేనత్త ఇంటికి పంపించారు. అక్కడ బావ అమిత్తో పరిచయం ఏర్పడింది. చనువుగా ఉంటున్న బావతో కొన్నాళ్లకు ప్రేమలో పడింది. విషయం తెలుసుకున్న తల్లిదండ్రులను ఆమెను అక్కడి నుంచి ఇంటికి రప్పించారు. వేరే యువకుడితో వివాహం జరిపించి, అత్తారింటికి పంపించారు. పెళ్లయిన కొన్నాళ్లకే అమిత్ ఆమెను తీసుకుని ఎటో వెళ్లిపోయాడు. వెతికి ఆమెను తల్లిదండ్రులు భర్త వద్దకు చేర్చారు. ఈ క్రమంలో మార్చి 23న మరోసారి అమిత్ ఆమెను పిలిచాడు. దీంతో బావ చెప్పిన చోటికి ఆమె చేరుకుంది. ఆమెకు కడుపు నొప్పి రావడంతో గర్భం దాల్చిందని అమిత్ కంగారు పడ్డాడు. తన వల్లే ఆమె గర్భిణీ అయిందనే విషయం బయటపడకూదని క్రూరంగా ఆలోచించాడు. పథకం ప్రకారం ఆమెపై ఇనుప రాడ్డుతో కొట్టి హత్య చేశాడు. మృతదేహాన్ని గోనె సంచిలో చుట్టి ఊరి బయట పడేశాడు. మార్చి 25న గుర్తు తెలియని మృత దేహం పోలీసులకు లభ్యమైంది. పాలిగంజ్ ఏఎస్పీ అవధేష్ సరోజ్ స్వయంగా రంగంలోకి దిగడంతో వాస్తవాలు వెలుగులోకి వచ్చాయి. దీంతో నిందితుడిని పోలీసులు అరెస్టు చేశారు.
|
|