కూతురి కోసం మగాడిలా మారిన తల్లి
national | Suryaa Desk | Published : Thu, May 12, 2022, 12:08 PM
ఓ తల్లి తన కూతురి కోసం ఏకంగా 30 ఏళ్ల పాటు మగాడిలా బతికింది. పురుషుడి వేషధారణలో పెయింటింగ్, టీ మాస్టార్, వంట మనిషిగా పనులు చేసింది. ఆమెనే తమిళనాడుకు చెందిన పెచ్చియామ్మాల్. పెళ్లైన కొన్ని రోజులకే భర్త చనిపోవడంతో ఎన్నో తప్పుడు చూపులు ఆమె వెంటపడేవి. వేధించేవి. అంతలోనే ఆమె కూతురికి జన్మనిచ్చింది. తన కూతురిని సంరక్షించడం కోసం మగాడిలా వేషధారణ మార్చుకుంది.
పెచ్చియామ్మాల్ తన భర్త చనిపోయిన తర్వాత కడ్డునాయగన్ పట్టికి మకాం మార్చింది. అక్కడ చిన్నచిన్న పనులు చేసుకుంటూ బతికింది. అయితే ఆమె వితంతు కావడం వల్ల పలుమార్లు లైంగిక వేధింపులను ఎదుర్కొంది. దీంతో పురుషుడిలా దుస్తులు ధరించింది. పేరు కూడా ముత్తు అని మార్చుకుంది. ప్రస్తుతం ముత్తు మాస్టర్ కు 57 ఏళ్లు. తన కూతురికి వివాహం చేసేసింది. తన జీవితం పట్ల తనకు ఎలాంటి పశ్చాత్తాపం లేదని చెబుతోంది. ఆధార్ కార్డులో కూడా తన పేరు ముత్తు అనే ఉంటుందని చెప్పింది.
|
|