ఘనంగా నమిత పెళ్లి

దక్షిణాది చిత్ర పరిశ్రమలో ప్రముఖ సినీతారగా పేరు సంపాదించుకొన్న అందాల భామ నమిత పెళ్లి శుక్రవారం (నవంబర్ 24న) తిరుపతిలో ఘనంగా జరిగింది. తమిళ నటుడు వీరేంద్ర చౌదరితో నమిత వివాహ్వం జరగనున్న విషయం తెలిసిందే. ఈ పెళ్లికి తెలుగు, తమిళ చిత్ర పరిశ్రమకు చెందిన పలువురు సినీ ప్రముఖులు హాజరయ్యారు.పెద్దలు, పండితులు నిర్ణయించిన ముహుర్తం వీరేంద్ర చౌదరీతో నమిత పెళ్లి శుక్రవారం ఉదయం 5.30 నిమిషాలకు తిరుపతిలోని ఇస్కాన్ టెంపుల్ జరిగింది.

ప్రముఖుల రాకతో సందడిగా మారడంతో భారీగా సెక్యూరిటీని ఏర్పాటు చేశారు.నమిత పెళ్లిలో భాగంగా జరిగే సంగీత్ కార్యక్రమం గురువారం (నవంబర్ 23న) రాత్రి తిరుపతిలోని ఓ ప్రయివేట్ హోటల్‌లో జరిగింది. రాత్రి 7: 30 ప్రారంభమైన కార్యక్రమం అర్థరాత్రి వరకు సాగింది.తాజాగా బుధవారం జరిగిన మెహందీ, ఆ తర్వాత సంగీత్ కు ముస్తాబవుతున్న తన ఫోటోలను నమిత సోషల్ మీడియా లో షేర్ చేసింది. మీడియాలో నమిత పెళ్లి ప్రముఖంగా మారింది.మోడల్, నిర్మాత, సినీ నటుడు వీరేంద్ర చౌదరి, నమిత మధ్య కొంతకాలంగా అఫైర్ నడుసున్నది. తన వివాహం గురించి హీరోయిన్ నమిత సోషల్ మీడియా ద్వారా ప్రకటించింది.వీరేంద్ర సూపర్ మోడల్. అంతేకాకుండా వర్థమాన నటుడిగా తన ప్రత్యేకతను చాటుకొంటున్నారు.

సినీ నిర్మాతగా కూడా పేరున్నది. సినీ నిర్మాణంలో భాగంగా నమితతో జరిగిన పరిచయం ప్రేమగా మారింది. అనంతరం నమితను వివాహం చేసుకోవాలని వీరేంద్ర నిర్ణయించుకొన్నారు.ఇటీవల తమిళ బిగ్‌బాస్ రియాలిటీ షోలో కూడా నమిత పాల్గొన్నారు. అనేక వివాదాలు చుట్టుముట్టిన ఆ కార్యక్రమంలో నమిత మెప్పించింది. అయితే చివరకు వరకు నిలిచి విజేతగా మారడంలో విఫలమైంది.నమిత వివాహం కార్యక్రమం నేపథ్యంలో తిరుపతి పట్టణంలో సందడిగా భారీగానే కనిపిస్తున్నది. ఈ వివాహానికి తమిళ, తెలుగు రంగాలకు చెందిన పలువురు సినీ ప్రముఖులు హాజరయ్యారు.