అమెరికాలో హవా చూపిస్తున్న తెలుగు చిత్రం, థియేటర్ల పెంపుదల
cinema | Suryaa Desk | Published : Wed, Dec 29, 2021, 03:52 PM
స్వయం కృషితో , తన నటనతో తెలుగు సినిమా పరిశ్రమలో నిలబడి , స్టార్ హీరోగా ఎదిగిన హీరో నాని. సహజత్వానికి దగ్గరగా ఇతని నటన ఉండటం ప్రత్యేకం . అందుకే ఇతనిని నాచురల్ స్టార్ అంటుంటారు. ఇతను ఇంతకు ముందు తీసిన టాక్ జగదీశ్ సినిమా ఆశించిన స్థాయిలో లేకపోవడం అభిమానులను మాత్రమే కాకుండా నానిని కూడా నిరాశపరిచింది. ఐనా నిరాశ చెందకుండా కసిగా తీసిన సినిమానే "శ్యాం సింగరాయ ". ఈ సినిమా డిసెంబర్ 24న విడుదల ఐన సంగతి తెలిసిందే. మొదట రెండు రోజులు కొంచెం నెమ్మదిగా ఉన్న , వసూళ్ల పరంగా మంచి విజయాన్ని అందుకుంది అనే చెప్పాలి. ఇటు భారత దేశంలోనే కాకుండా , అమెరికాలో కూడా తన సత్తా చాటుతున్నాడు. రెండవ వారంలో సింగరాయ్ కి 20 పైగా కొత్త థియేటర్లు జోడించనున్నామని అమెరికా పంపిణీ వర్గాలు ప్రకటించాయి. USAలో ఇప్పటికే దాదాపు 200 పైగా థియేటర్లు లో ఆడుతోంది. ఇకపై అదనంగా థియేటర్లను పెంచనున్నారు.
ఇప్పటికే 600కె డాలర్లు వసూలు చేసి వన్ మిలియన్ క్లబ్ వైపు పరుగులు పెడుతోంది. ఈ సినిమాలో సాయి పల్లవి నటన ప్రతేకమైన ఆకర్షణగా చెప్పుకోవచ్చు. అలానే నాని పోషించిన సింగరాయ పాత్ర అద్భుతంగా రూపుదిద్దారు అంటే నమ్మక తప్పదు. అలానే ఇంకొక అందాల భామ కృతి హాట్ గా కనిపించడం కూడా ప్రతేకమైన ఆకర్షణ అని చెప్పుకోవచ్చు.
|
|