ట్రెండింగ్
రాధేశ్యామ్ సంబరాలలో అపశృతి ....
cinema | Suryaa Desk | Published : Fri, Mar 11, 2022, 12:56 PM
రాధా కృష్ణ కుమార్ దర్శకత్వంలో పాన్ ఇండియా స్టార్ ప్రభాస్, పూజ హెగ్డే నటించిన చిత్రం రాధే శ్యామ్. ఈ సినిమా శుక్రవారం ప్రపంచ వ్యాప్తంగా విడుదలవుతుండటంతో ధియేటర్ల వద్ద పండగ వాతావరణం నెలకొంది. సాహూ అనంతరం దాదాపు మూడేళ్ళ తర్వాత రానున్న ప్రభాస్ సినిమా కావటంతో అది కూడా ఈ సినిమాలో ప్రభాస్ చాలా కాలం తర్వాత లవర్ బాయ్ లా నటిస్తుండటంతో అభిమానులు సంబరాలు చేసుకుంటున్నారు. ఈ సందర్భంగా రాధేశ్యామ్ భారీ కటౌట్లు, బ్యానర్లు కడుతున్నారు. ఈ నేపథ్యంలో కారంపూడి లోని ఒక ధియేటర్ వద్ద అపశృతి జరిగింది. చల్లా కోటేశ్వర రావు అనే ప్రభాస్ అభిమాని ఫ్లెక్సీ కడుతుండగా కాలు జారీ పక్కనే ఉన్న కరెంటు తీగలపై పడటంతో కరెంటు షాక్కు గురైయ్యాడు. ఈ సంఘటనలో మరో ఇద్దరికీ కూడా గాయాలైనట్లు స్థానికులు తెలిపారు. వెంటనే వీరిని హాస్పిటల్ కి తరలించి చికిత్స చేయిస్తున్నారు.
|
|