సత్యదేవ్ "గుర్తుందా శీతాకాలం" విడుదలయ్యేది వర్షాకాలంలోనే!
cinema | Suryaa Desk | Published : Thu, May 12, 2022, 06:18 PM
యంగ్ అండ్ టాలెంటెడ్ యాక్టర్ సత్యదేవ్ ఒక పక్క హీరోగా చేస్తూనే మరోపక్క క్యారెక్టర్ ఆర్టిస్టుగానూ అలరిస్తున్నాడు. బ్లఫ్ మాస్టర్, తిమ్మరుసు, స్కై ల్యాబ్ వంటి వైవిధ్యభరితమైన సినిమాలతో టాలీవుడ్లో తనకంటూ ప్రత్యేక గుర్తింపును సంపాదించుకున్నాడు. ఇటీవలనే మెగాస్టార్ ఆచార్య చిత్రంలో తళుక్కున మెరిశాడు. మెగాస్టార్ మరో చిత్రం గాడ్ ఫాదర్ లో కూడా సత్యదేవ్ కీలకపాత్ర పోషిస్తున్నాడు. సత్యదేవ్, తమన్నా జంటగా నటించిన చిత్రం గుర్తుందా శీతాకాలం. కరోనా కారణంగా ఫిబ్రవరిలో రిలీజవ్వాల్సిన ఈ సినిమా అప్పటినుండి వాయిదాపడుతూ వస్తుంది. తాజాగా ఈ సినిమా విడుదల పై చిత్రబృందం క్రేజీ అప్డేట్ ఇచ్చింది. ప్రపంచవ్యాప్తంగా ఈ సినిమాను జూన్ లో విడుదల చెయ్యబోతున్నట్టు పేర్కొన్నారు. కానీ తేదీని మాత్రం ఇంకా ఖరారు చెయ్యలేదు. ఇప్పటికే ఈ మూవీ నుండి పాటలు, ట్రైలర్ విడుదలయ్యాయి. వాటికీ ప్రేక్షకుల నుండి మంచి స్పందన వచ్చింది. నాగశేఖర్ మూవీస్ బ్యానర్ పై నిర్మితమవుతున్న ఈ సినిమాను నాగశేఖర్ డైరెక్ట్ చేసారు. కాలభైరవ సంగీతం అందించారు. మేఘా ఆకాష్, కావ్యాశెట్టి, సుహాసిని మణిరత్నం కీలకపాత్రల్లో నటిస్తున్నారు.
|
|