ఆగస్టులో రిలీజ్ అవనున్న తాప్సి దొబారా మూవీ...
cinema | Suryaa Desk | Published : Thu, May 12, 2022, 06:24 PM
టాలీవుడ్లో కన్నా బాలీవుడ్లో తాప్సి కెరీర్ గ్రాఫ్ బావుంది. సినిమాలను వరసపెట్టి చేసుకుంటూ వెళ్తుంది. ఏదో చేసాం అన్నట్టు కాకుండా మంచి సబ్జెక్టు ఉన్న సినిమాలు ఎంచుకుంటుంది. పింక్, నామ్ షబానా, మన్ మార్జియాన్, ముల్క్,గేమ్ ఓవర్, ధప్పడ్,హసీన్ దిలారుబా లాంటి సినిమాలలో తన నటనకు బాలీవుడ్ ప్రేక్షకులు బ్రహ్మరధం పట్టారు.తాజాగా తాప్సి నటిస్తున్న చిత్రం దొబారా. స్టార్ డైరెక్టర్ అనురాగ్ కశ్యప్ డైరెక్షన్లో తాప్సి లీడ్ రోల్ లో నటిస్తుంది. పాతికేళ్ల క్రితం తాను కళ్లారా చూసిన ఒక సన్నివేశం మరలా జరగకూడదనే క్రమంలో తాప్సి పలికించిన హావభావాలు, కథాకథనాలు ఈ సినిమాకు ప్రధానాకర్షణ. ఈ సినిమా ఆగస్టు 19న విడుదలకాబోతున్నట్టు చిత్రబృందం అధికారికంగా ప్రకటించింది. పోతే, తాప్సి నుండి రాబోతున్న మరో చిత్రం శెభాష్ మిథు. త్వరలోనే ఈ సినిమా విడుదలకానుంది. ఇంకా కింగ్ ఖాన్ షారూఖ్ ఖాన్ - రాజ్ కుమార్ హిరానీ చిత్రంలోనూ తాప్సి హీరోయిన్ గా నటిస్తుంది.
|
|