చిరకాల కోరికను మీడియాతో పంచుకున్న జీవిత
cinema | Suryaa Desk | Published : Wed, May 18, 2022, 10:53 AM
జీవిత... తెలుగు ప్రేక్షకులకు సుపరిచితమైన పేరు. హీరోయిన్ గా ఇండస్ట్రీ ఎంట్రీ ఇచ్చి ఎన్నో హిట్ చిత్రాలలో నటించి మెప్పించింది. ఆపై హీరో రాజశేఖర్ ను వివాహం చేసుకుని సినిమాలకు స్వస్తి పలికింది. ఈ క్రమంలో డైరెక్టర్ గా మారి తన భర్తతోనే కొన్ని సినిమాలను తెరకెక్కించింది. రాజశేఖర్ హీరోగా జీవిత రూపొందించిన కొత్త చిత్రం శేఖర్. మలయాళంలో ఘనవిజయం సాధించిన జోసెఫ్ చిత్రానికి తెలుగు రీమేక్ గా శేఖర్ తెరకెక్కింది. మే 20న ఈ సినిమా విడుదలవబోతుంది. ఈ నేపథ్యంలో మూవీ ప్రీ రిలీజ్ ఈవెంట్ మంగళవారం సాయంత్రం ఘనంగా జరిగింది. ఈ కార్యక్రమానికి సుకుమార్ ముఖ్య అతిథి గా హాజరయ్యారు.
ప్రమోషన్స్ లో భాగంగా జరిగిన ఒక ఇంటర్వ్యూలో జీవిత మాట్లాడుతూ తన చిరకాల కోరికను బయటపెట్టారు. కుటుంబం మొత్తం కలిసి ఒక సినిమా చెయ్యాలని జీవిత కోరుకుంటున్నారట. అంటే భర్త రాజశేఖర్, కూతుళ్లు శివాని, శివాత్మిక లతో కలిసి నటించాలనే ఉద్దేశాన్ని జీవిత తెలపటంతో త్వరలోనే 'మనం' వంటి చిత్రం ప్రేక్షకుల ముందుకొచ్చే అవకాశం ఉందని తెలుస్తోంది. అక్కినేని హీరోలందరూ కలిసి నటించిన క్లాసిక్ మనం. విక్రమ్ కె కుమార్ డైరెక్ట్ చేసిన ఈ చిత్రం ఘనవిజయం సాధించింది.
|
|