ఈ ఏడాదిలోనే ఒక్కటికానున్న మరో బాలీవుడ్ ప్రేమ జంట
cinema | Suryaa Desk | Published : Wed, May 18, 2022, 10:54 AM
బాలీవుడ్ సెలెబ్రిటీలు ఒక్కొక్కరూ వరసగా వివాహజీవితంలోకి అడుగుపెడుతున్నారు. అనుష్క శర్మ, ప్రియాంక చోప్రా, దీపికా పదుకొణె, సోనమ్ కపూర్, రీసెంట్ గా ఆలియాభట్... వీరందరూ తమ జీవిత భాగస్వామిని ప్రేమించి పెళ్లిచేసుకున్నవారే. వీరిబాటలోనే త్వరలో వివాహబంధంతో ఒక్కటవ్వాలని కోరుకుంటుంది మరో బాలీవుడ్ జంట. వారెవరంటే, బాలీవుడ్ డాన్సర్ మలైకా అరోరా, హీరో అర్జున్ కపూర్. వీరిద్దరూ ఎప్పటినుండో ప్రేమ జీవితాన్ని ఆస్వాదిస్తున్నారు. తాజాగా వీరి ప్రేమను మరో మెట్టెక్కించి పెళ్లి చేసుకోవాలనుకుంటున్నారట. ఈ ఏడాది చివర్లో అంటే నవంబర్ లేదా డిసెంబర్ లో వీరి వివాహం జరగబోతుందని బాలీవుడ్ మీడియా కధనాలు ప్రచురిస్తుంది. మలైకా, అర్జున్ లిద్దరికీ చలికాలం వాతావరణం అంటే చాలా ఇష్టమంట. అందుకే, ఆ కాలంలో ఏదో ఒక మంచి ముహూర్తం చూసుకుని పెళ్లి చేసుకోవాలనుకుంటున్నారట. వీరి వివాహం చాలా ప్రైవేట్ గా జరగుతుందని టాక్. అర్జున కపూర్, మలైకా కుటుంబ సభ్యులు, అత్యంత సన్నిహితులు మాత్రమే వీరి పెళ్ళికి హాజరవుతారట. అర్జున్ కు, మలైకా కు వయసులో 12ఏళ్ళ తేడా ఉండటంతో ఈ జంట ప్రేమ, వివాహంపై, బాలీవుడ్ జనాలు ఆసక్తిని కనబరుస్తున్నారు. అదీకాక, మలైకా ఎవరో కాదు, సల్మాన్ ఖాన్ తమ్ముడు అర్బాజ్ ఖాన్ భార్య. వీరిద్దరూ భేదాభిప్రాయాల కారణంగా విడాకులు తీసుకున్నారు. వీరికి ఒక కుమారుడు అర్హాన్.
|
|