సినిమాలు లేకపోతే ఉద్యోగం చేసుకుంటా: హీరోయిన్
cinema | Suryaa Desk | Published : Wed, May 18, 2022, 01:02 PM
తనకు హీరోయిన్ అనిపించుకోవడం కంటే మంచి నటి అనిపించుకోవడమే ఇష్టం అని నివేదా పేతురాజ్ పేర్కొంది. ఇటీవల ఓ ఇంటర్వ్యూలో మాట్లాడుతూ తనకు హీరోయిన్గా మాత్రమే అవకాశాలు రావాలని కోరుకోనని, నటనకు ప్రాధాన్యత ఉంటే ఏ పాత్ర అయినా చేసేందుకు సిద్ధం అని తెలిపింది. సినిమా ఆఫర్లు రాకుంటే బాధ పడనని, ఉద్యోగం చేసుకుంటానని బదులిచ్చింది. ఇక తెలుగులో శ్రీ విష్ణు సరసన ‘మెంటల్ మదిలో’ చిత్రంలో ఆమె తెలుగు ఇండస్ట్రీలో ప్రవేశించింది. ఆ తర్వాత ‘చిత్ర లహరి’, ‘బ్రోచేవారెవరురా’, ‘రెడ్’, 'అల వైకుంఠ పురంలో', పాగల్ వంటి చిత్రాల్లో నటించింది. అందం, అభినయంతో ప్రేక్షకుల మదిలో ప్రత్యేక స్థానం ఏర్పరుచుకుంది.
ఇక రానా-సాయిపల్లవి, ప్రియమణితో కలిసి ఆమె నటించిన విరాట పర్వం సినిమా త్వరలో విడుదలకు సిద్ధంగా ఉంది. ఇటీవలే ఆమె 'బ్లడ్ మేరీ' చిత్రంతో ఓటీటీని కూడా పలకరించింది. తన సినిమాలతో ఆకట్టుకుంటున్నా ఆమెకు సరైన హిట్ ఇప్పటి వరకు దక్కలేదు. అలవైకుంఠపురంలో నటించినా, ఆమెది సెకండ్ హీరోయిన్ పాత్ర. దీంతో గుర్తింపు అంతగా దక్కలేదు.
|
|