మహేష్ తో తలపడే స్టైలిష్ విలన్ కోసం రాజమౌళి వేట
cinema | Suryaa Desk | Published : Wed, May 25, 2022, 11:19 AM
ఆర్ ఆర్ ఆర్ తర్వాత దర్శకధీరుడు రాజమౌళి టాలీవుడ్ సూపర్ స్టార్ మహేష్ బాబు తో సినిమా చేయనున్నాడన్న విషయం తెలిసిందే. ఆర్ ఆర్ ఆర్ లాగానే మహేష్ సినిమా కూడా మల్టీస్టారర్ అని అప్పట్లో వార్తలు వచ్చాయి. ఆర్ ఆర్ ఆర్ ప్రొమోషన్స్ సమయం లో రాజమౌళి మహేష్ సినిమా గురించి మాట్లాడుతూ... ఈ సినిమాలో మహేష్ సోలోగానే నటిస్తాడని, మల్టీస్టారర్ కాదనీ, బాహుబలి, ఆర్ ఆర్ ఆర్ లకు మించి ఉంటుందని చెప్పి రూమర్లకు చెక్ పెట్టారు.
మహేష్-రాజమౌళి సినిమా అడ్వెంచర్ థ్రిల్లర్గా , ఆఫ్రికా నేపథ్యంలో ఉండనుందని ఇటీవల రచయిత విజయేంద్ర వర్మ తెలపడం తో ఈ సినిమాపై అంచనాలు పెరిగిపోయాయి. రాజమౌళి సినిమా అంటే హీరో, విలన్ లు ఎంత బలంగా, తెలివిగా ఉంటారో మనకు బాగా తెలుసు. అలానే, మహేష్ సినిమాలో కూడా పవర్ఫుల్ విలన్ రోల్ ఉంటుందట. బాహుబలి లాంటి పీరియాడికల్ మూవీలో హీరో రాణా చేత విలన్గా నటింపజేసి మంచి మార్కులు కొట్టేసిన జక్కన్న మహేష్ సినిమాలో నటించబోయే విలన్ కోసం గాలింపు చర్యలను స్టార్ట్ చేసాడట. ఇందుకోసం టాలీవుడ్, కోలీవుడ్, బాలీవుడ్, మాలీవుడ్ అంటూ అన్ని చిత్రపరిశ్రమలను వేటాడుతూ జక్కన్న చాలా బిజీగా ఉన్నాడని సమాచారం. మరి మహేష్ లాంటి హ్యాండ్సమ్ హీరోకు ధీటైన స్టైలిష్ విలన్ ఎక్కడ దొరుకుతాడో?
|
|