చైతు- పరశురామ్ మూవీకి "నాగేశ్వరరావు" ఆశీస్సులు ?
cinema | Suryaa Desk | Published : Wed, May 25, 2022, 11:22 AM
గీతా గోవిందం ఘనవిజయంతో టాలీవుడ్ సూపర్ స్టార్ తో సినిమా చేసే గోల్డెన్ ఛాన్స్ ను కొట్టేసిన దర్శకుడు పరశురామ్. మహేష్ బాబుతో పరశురామ్ తెరకెక్కించిన పక్కా కమర్షియల్ ఎంటర్టైనర్ సర్కారువారిపాట ఇటీవలే విడుదలై సూపర్ హిట్ టాక్ తో రన్ అవుతుంది. తదుపరి పరశురామ్ యంగ్ హీరో నాగచైతన్య తో ఒక సినిమాను ప్రకటించారు. అసలు ఈ కాంబో సర్కారువారిపాట కన్నా ముందే అంటే, గీతా గోవిందం తర్వాత సెట్స్ పైకి వెళ్ళాల్సింది. కానీ మహేష్ తో సినిమా చేసే ఆఫర్ వచ్చేసరికి చైతు మూవీని పరశురామ్ వాయిదా వేసాడు. ఇప్పుడు సర్కారువారిపాట సినిమాకు సంబంధించిన అన్ని పనులు ముగిసాయి కాబట్టి ఇకపై చైతు మూవీతో పరశురామ్ బిజీ కానున్నాడు. ఈ మూవీ ప్రీ ప్రొడక్షన్ పనులు శరవేగంగా జరుగుతున్నట్టు తెలుస్తుంది. ఈ నేపథ్యంలో ఈ సినిమాకు "నాగేశ్వరరావు" అనే టైటిల్ ను లాక్ చేసినట్టు తెలుస్తుంది. ఈ మేరకు ఫిలిం ఛాంబర్ లో నాగేశ్వరరావు అనే టైటిల్ ను పరశురామ్ అండ్ యూనిట్ రిజిస్టర్ చేశారట. తాత నాగేశ్వరరావు టైటిల్ పెడితే, సినిమాకు ఆయన ఆశీస్సులతో పాటు ప్రేక్షకాభిమానుల్లో మరింత హైప్స్ వచ్చే అవకాశాలుంటాయని నాగేశ్వరరావు టైటిల్ నే ఫైనల్ చేసినట్టు సమాచారం. ఈ చిత్రాన్ని 14రీల్స్ ప్లస్ బ్యానర్ నిర్మిస్తుంది.
|
|