సౌత్ రీమేక్ తో "ఖాన్" వారసుడి తెర పరిచయం?
cinema | Suryaa Desk | Published : Mon, May 30, 2022, 10:37 PM
బాలీవుడ్ లో బాగా పేరొందిన ఖాన్ లలో సైఫ్ అలీఖాన్ ఒకరు. సైఫ్ కు మొదటి భార్య అమృత తో ఇద్దరు సంతానం ఉన్నారు. వారిలో సారా అలీఖాన్ ఇప్పటికే బాలీవుడ్ లో హీరోయిన్ గా రాణిస్తుంది. తాజాగా కుమారుడు ఇబ్రహీం అలీఖాన్ ను కూడా వెండితెరకు పరిచయం చెయ్యాలని సైఫ్ కోరుకుంటున్నాడట. నిజానికి ఇబ్రహీం వయసు ను బట్టి ఎప్పుడో బాలీవుడ్ కి ఎంట్రీ ఇవ్వాల్సి ఉంది, కానీ అతనికి సినిమాలలో పెద్దగా ఇంటరెస్ట్ లేకపోవడంతో సైఫ్ అతని ఇష్టానికి విలువిచ్చి ఇప్పటివరకు ఆగారు. తాజాగా సినిమాల్లోకి రావాలని ఇబ్రహీం నిర్ణయించుకోవడంతో, సైఫ్ వెంటనే ఆ దిశగా పనులను మొదలెట్టేసాడు.
ప్రముఖ బాలీవుడ్ దర్శకుడు, నిర్మాత కరణ్ జోహార్ కు ఇబ్రహీం ను పరిచయం చేసే బాధ్యతలను సైఫ్ అప్పగించినట్టు తెలుస్తుంది. ఎందరో స్టార్ కిడ్స్ ను హీరోహీరోయిన్లుగా మలిచిన కరణ్ ఇబ్రహీం ను ఒక సౌత్ కథతో తెరకు పరిచయం చెయ్యాలని డిఫరెంట్ గా ప్లాన్ చేసాడట. ఇప్పటికే మలయాళ సూపర్ హిట్ ఫిలిం హృదయం మూవీ రీమేక్ హక్కులు కరణ్ దగ్గర రెడీగా ఉండటంతో ఆ సినిమాతోనే ఇబ్రహీం పరిచయం జరుగుతుందని అందరు అనుకుంటున్నారు. యూత్ ను టార్గెట్ చేసుకుని తెరకెక్కిన రొమాంటిక్ డ్రామా 'హృదయం'. ఒక యువకుడి జీవిత ప్రయాణాన్ని వెండితెరపై అద్భుతంగా ఆవిష్కరించారు దర్శకుడు వినీత్ శ్రీనివాసన్. ఈ సినిమాని హిందీ, తెలుగు, తమిళ భాషల్లో రూపొందించేందుకు గానూ హక్కుల్ని చేజిక్కించుకున్నారు కరణ్.
అయితే, ఇబ్రహీం ఎంట్రీ పై ఇప్పటివరకు ఎలాంటి అధికారిక ప్రకటన లేదు. ఫ్యూచర్ లో వస్తుందేమో చూడాలి.
|
|