'పృథ్విరాజ్' కు ట్యాక్స్ ఫ్రీ ప్రకటించిన యూపీ సీఎం ఆదిత్యానాధ్
cinema | Suryaa Desk | Published : Thu, Jun 02, 2022, 09:56 PM
బాలీవుడ్ స్టార్ హీరో అక్షయ్ కుమార్ నటిస్తున్న చారిత్రక నేపధ్య చిత్రం పృథ్విరాజ్. ఈ చిత్రంలో 2017 ప్రపంచ సుందరి మానుషీ చిల్లర్ హీరోయిన్ గా నటించింది, సంజయ్ దత్, సోనూసూద్ కీలక పాత్రలో నటించారు. యష్ రాజ్ ఫిలిమ్స్ ఈ సినిమాను ఎక్కడా రాజి పడకుండా చాలా గ్రాండ్ గా తెరకెక్కించింది. చంద్రప్రకాష్ ద్వివేది దర్శకత్వం వహించిన ఈ చిత్రం హిందీ, తెలుగు, తమిళ భాషలలో జూన్ 3న విడుదల కానుంది. ఇటీవల ఈ మూవీ నుండి విడుదలైన హరహర్ , రాయల్ హోలీ సాంగ్ ప్రోమో, మఖ్మలీ ప్రోమోలు విడుదలవగా, ప్రేక్షకుల నుండి మంచి అప్లాజ్ వచ్చింది. కేంద్ర హోమ్ మంత్రి అమిత్ షా తన కుటుంబసభ్యులతో పృథ్విరాజ్ సినిమా చూసి చిత్రబృందం పై ప్రశంసల వర్షం కురిపించగా, తాజాగా ఉత్తరప్రదేశ్ సీఎం యోగి ఆదిత్యనాధ్ కూడా సినిమాను చూసి అక్షయ్, మానుషీ, డైరెక్టర్ చంద్రప్రకాష్ ద్వివేదీలు పడ్డ కష్టాన్ని గుర్తించి, ప్రతి ఒక్కరు ఈ సినిమాను చూడాలని ప్రోత్సహిస్తూ యూపీ లో పృథ్విరాజ్ కు ట్యాక్స్ ఫ్రీ సౌలభ్యాన్ని ప్రకటించారు. ఈరోజు తన క్యాబినెట్ అనుచరులతో, పృథ్విరాజ్ చిత్రబృందంతో కలిసి యోగి సినిమాను చూసారు. గతంలో చేసిన తప్పుల నుండి నేర్చుకోవడానికి ఈ సినిమా ఎంతో స్ఫూర్తిదాయకంగా ఉంటుందని పేర్కొన్నారు.
|
|