స్పై మూవీ టీజర్ రిలీజ్... స్టైలిష్ లుక్ లో ఆకట్టుకుంటున్న నిఖిల్
cinema | Suryaa Desk | Published : Mon, Jun 06, 2022, 12:56 PM
టాలీవుడ్ యంగ్ హీరో నిఖిల్ సిద్దార్ధ్ నుండి సినిమా వచ్చి రెండేళ్లు పైనే గడుస్తుంది. నిఖిల్ నుండి చివరిగా 2019లో అర్జున్ సురవరం సినిమా వచ్చింది. ఇప్పుడు నిఖిల్ వరసగా మూడు సినిమాలతో ప్రేక్షకులను అలరించనున్నాడు. 18 పేజెస్, కార్తికేయ 2 సినిమాలు షూటింగ్ పూర్తి చేసుకుని, రిలీజ్ కు రెడీగా ఉండగా, స్పై మూవీ సెట్స్ పై ఉంది.
స్వామి రారా, కార్తికేయ, ఎక్కడికి పోతావు చిన్నవాడా, కిరాక్ పార్టీ, అర్జున్ సురవరం వంటి విజయాలతో టాలీవుడ్ లో సత్తా చాటిన నిఖిల్ ఇప్పుడు పాన్ ఇండియా బరిలోకి దిగటానికి సిద్ధపడ్డాడు. గారీ బి. హెచ్. దర్శకత్వంలో ఒక స్పై థ్రిల్లర్ యాక్షన్ సినిమాను నిఖిల్ చేస్తున్నాడు. ఆ సినిమా టైటిల్ "స్పై". ఈడీ ఎంటర్టైన్మెంట్స్ పతాకంపై రాజశేఖర్ రెడ్డి నిర్మిస్తున్న ఈ చిత్రంలో ఐశ్వర్య మీనన్ హీరోయిన్ గా నటిస్తుంది. పాన్ ఇండియా సినిమాగా భారీ బడ్జెట్టుతో తెరకెక్కుతున్న ఈ చిత్రానికి హాలీవుడ్ టెక్నికల్ టీం పనిచేస్తున్నారు. మకరంద్ దేశ్ పాండే, సాన్యా ఠాకూర్ తదితరులు కీలక పాత్రల్లో నటిస్తున్న ఈ చిత్రం దసరా కానుకగా విడుదల కాబోతుంది.
తాజాగా ఈ సినిమా నుండి టీజర్ విడుదలైంది. టీజర్ ను బట్టి సినిమాలో ఒళ్ళు గగుర్పొడిచే యాక్షన్ ఎపిసోడ్స్ ఉంటాయని తెలుస్తుంది. హిమాలయ పర్వతాల బ్యాక్ డ్రాప్ లో సూపర్ స్టైలిష్ స్పై గా నిఖిల్ లుక్ చాలా బాగుంది. ఈ టీజర్ సినిమా పై ఆసక్తిని కలిగిస్తుంది.
|
|