పాన్ వరల్డ్ సినిమాగా ఆదిపురుష్... జరుగుతున్న ఇంగ్లీష్ డబ్బింగ్ పనులు
cinema | Suryaa Desk | Published : Mon, Jun 06, 2022, 12:58 PM
ఇటీవలికాలంలో పాన్ ఇండియా ట్రెండ్ ను మొదలెట్టిన మొదటి సౌత్ హీరో ప్రభాస్. బాహుబలి, సాహో, రాధేశ్యామ్...ఇలా వరసగా మూడు పాన్ ఇండియా సినిమాలతో దేశవ్యాప్తంగా ఉన్న సినీ ప్రేక్షకులను అలరించిన ప్రభాస్ నెక్స్ట్ పాన్ వరల్డ్ సినిమాలపై ఫోకస్ పెట్టినట్టు తెలుస్తుంది. నాగ్ అశ్విన్ డైరెక్షన్లో తెరకెక్కుతున్న ప్రాజెక్ట్ కే ను పాన్ వరల్డ్ సినిమా అని డైరెక్టర్ ఇప్పటికే ప్రకటించగా, ప్రభాస్ నటించిన మరో చిత్రం ఆదిపురుష్ కూడా పాన్ వరల్డ్ రిలీజ్ కు సిద్ధమైనట్టు తెలుస్తుంది.
రాజమౌళి డైరెక్షన్లో రూపొందిన ఆర్ ఆర్ ఆర్ సినిమా ఎలాగైతే ప్రపంచ దేశాల మన్ననలను పొందుతుందో అలానే ఆదిపురుష్ కూడా ఇతర దేశాలలో కూడా విడుదలవబోతుంది. ఈ మేరకు ఆదిపురుష్ డైరెక్టర్ ఓం రౌత్ సినిమా కు సంబంధించిన డబ్బింగ్ పనులపై దృష్టి పెట్టాడట. ప్రస్తుతం ఆదిపురుష్ ఆంగ్లంలోకి అనువాదమవుతుందట. భారతీయ ఇతిహాసాల్లో ఒకటైన రామాయణం ఆధారంగా రూపొందిన ఆదిపురుష్ ను ప్రపంచ దేశాల్లో విడుదల చేస్తే బావుంటుందని ఆదిపురుష్ మేకర్స్ ఆలోచిస్తున్నారట.
బాలీవుడ్ దర్శకుడు ఓం రౌత్ తెరకెక్కిస్తున్న ఈ చిత్రంలో ప్రభాస్ రాముడిగా , కృతిసనన్ సీతగా , సైఫ్ అలీఖాన్ రావణుడిగా కీలక పాత్రలు పోషిస్తున్నారు. రూ. 500 కోట్ల భారీ బడ్జెట్టుతో భూషణ్ కుమార్ ఈ సినిమాను నిర్మించారు.
|
|