పూరి డ్రీం ప్రాజెక్టు కోసం..రంగంలోకి విదేశీ సాంకేతిక బృందం
cinema | Suryaa Desk | Published : Mon, Jun 06, 2022, 04:03 PM
టాలీవుడ్ లో డాషింగ్ డైరెక్టర్ గా పేరు తెచ్చుకున్నారు పూరి జగన్నాధ్. ఆయన సినిమాలలో హీరో క్యారెక్టరైజేషన్ ను తీర్చి దిద్దే విధానం బావుంటుంది. పవర్ ఫుల్ డైలాగులు, మాస్ మసాలా కథలతో ఎందరో ప్రేక్షకులను తన అభిమానులుగా మార్చుకున్న పూరి కెరీర్లో ఇప్పటివరకు రొటీన్ కథలనే చేసారు. వాటితోనే సూపర్ డూపర్ హిట్లు కొట్టారు.., అలానే డిజాస్టర్లు కూడా. తనతోటి డైరెక్టర్లు రాజమౌళి , సుకుమార్ లాంటి వారు కొత్తదనానికి పెద్ద పీట వేస్తూ బాహుబలి, ఆర్ ఆర్ ఆర్ , పుష్ప లాంటి పాన్ ఇండియా హిట్లు కొడుతుంటే, నేనెందుకు ఇలానే ఉండిపోవాలి అనుకున్న పూరి తన పంథాను మార్చి ఈ సారి కొత్తగా ట్రై చెయ్యబోతున్నాడు.
పూరి - విజయ్ దేవరకొండల కాంబోలో, పూరి డ్రీం ప్రాజెక్టుగా రూపొందుతున్న JGM కోసం, పూరి ఎప్పుడు లేనివిధంగా ఫారిన్ నుండి నిపుణులను రప్పిస్తున్నాడట. గతంలో రెండు మూడు సీన్లలో మాత్రమే వారి సహాయ సహకారాలను పొందిన పూరి ఈసారి మాత్రం విదేశీ నిపుణులను సినిమాలో పూర్తిగా భాగం చెయ్యాలనుకుంటున్నాడట. మిలిటరీ నేపథ్యంలో నడిచే చిత్రం కాబట్టి అద్భుతమైన వార్ ఎన్విరాన్మెంట్ ను సృష్టించడానికి పూరి విదేశీ సాంకేతిక నిపుణులను, పవర్ఫుల్ యాక్షన్ ఎపిసోడ్స్ కోసం హాలీవుడ్ ఫైట్ మాస్టర్ లను రంగంలోకి దించబోతున్నాడని టాక్. JGM లో హీరోయిన్ గా బుట్టబొమ్మ పూజాహెగ్డే నటిస్తుంది. ఇందులో పూజకు కూడా హై లెవెల్ యాక్షన్ సీన్స్ ఉంటాయని అంటున్నారు.
|
|