సుందరాన్ని ప్రమోట్ చేసేందుకు రంగంలోకి పవర్ స్టార్
cinema | Suryaa Desk | Published : Wed, Jun 08, 2022, 01:39 PM
శ్యామ్ సింగ రాయ్ తర్వాత నాచురల్ స్టార్ నాని నటిస్తున్న కొత్త చిత్రం అంటే సుందరానికి. వివేక్ ఆత్రేయ డైరెక్షన్లో రొమాంటిక్ కామెడీ ఎంటర్టైనర్ గా రూపొందిన ఈ చిత్రంలో మలయాళ బ్యూటీ నజ్రియా నాజిమ్ హీరోయిన్ గా నటిస్తుంది. నజ్రియా తెలుగులో చేస్తున్న తొలి సినిమా ఇదే. వివేక్ సాగర్ సంగీతమందించిన ఈ చిత్రం జూన్ 10వ తేదీన విడుదలకాబోతుంది. ఈ మేరకు మూవీ టీం మొత్తం ప్రచార కార్యక్రమాలు చేస్తూ బిజీగా ఉంది. ఈ నేపథ్యంలో మూవీ ప్రీ రిలీజ్ ఈవెంట్ ను గ్రాండ్ గా నిర్వహించడానికి మేకర్స్ భారీ ఏర్పాట్లు చేసారు. జూన్ 9వ తేదీన హైదరాబాద్ లో జరగనున్న ఈ ప్రీ రిలీజ్ ఈవెంట్ కు పవర్ స్టార్ పవన్ కళ్యాణ్ ముఖ్య అతిధిగా హాజరు కాబోతున్నారు. సుందరాన్ని ప్రమోట్ చేసేందుకు రాబోతున్న పవర్ స్టార్ ... అంటూ నాని సోషల్ మీడియాలో పవన్ కళ్యాణ్ కు కృతజ్ఞతలు తెలిపారు. భీమ్లానాయక్ వంటి బ్లాక్ బస్టర్ హిట్ తర్వాత పవన్ చీఫ్ గెస్ట్ గా హాజరు కాబోతున్న ఈవెంట్ ఇదే కావడంతో, ఈ ఈవెంట్ కోసం పవర్ స్టార్ అభిమానులు, నాచురల్ స్టార్ అభిమానులు ఆసక్తిగా ఎదురుచూస్తున్నారు.
|
|