హనుమాన్ నుండి విలన్ ఫస్ట్ లుక్ పోస్టర్ రిలీజ్
cinema | Suryaa Desk | Published : Wed, Jun 08, 2022, 01:44 PM
విభిన్న చిత్రాల దర్శకుడు ప్రశాంత్ వర్మ మరో కొత్త జానర్తో ప్రేక్షకులను పలకరించేందుకు రెడీ అవుతున్నారు. అ!, కల్కి, జాంబీరెడ్డి అంటూ తన సత్తాను చాటుకున్నారు. మనందరం ఎన్నో సూపర్హిరోల సినిమాలు చూశాము. కానీ మన పురాణాల్లోని రియల్ సూపర్ హీరోల గురించి ఎక్కువగా మాట్లాడుకోము. అలా రియల్ సూపర్ హీరో అయిన హనుమంతుడి మీద ప్రశాంత్ వర్మ దృష్టిపెట్టేశారు. తేజ సజ్జా హీరోగా ప్రశాంత్ వర్మ దర్శకత్వంలో రూపొందుతున్న చిత్రం హనుమాన్. 'అంజనాద్రి' ఆధారంగా రూపొందుతున్న ఈ మూవీని నిరంజన్ రెడ్డి నిర్మిస్తున్నారు. తాజాగా ఈ మూవీలో విలన్ పాత్ర పోషిస్తున్న వినయ్ రాయ్ ఫస్ట్ లుక్ పోస్టర్ రిలీజయ్యింది. వాన, నీవల్లే నీవల్లే సినిమాల లో హీరోగా అలరించిన వినయ్ రాయ్ ఆపై విలన్గా మారి కోలీవుడ్ లో బిజీగా గడుపుతున్నాడు. ఇటీవల విడుదలై సూపర్ హిట్టైన శివకార్తికేయన్ వరుణ్ డాక్టర్, సూర్య ఈటి సినిమాలలో వినయ్ రాయ్ విలన్గా నటించాడు. తాజాగా విడుదలైన హను - మాన్ పోస్టర్ లో వినయ్ రాయ్ స్పెషల్ గా డిజైన్ చేసిన మాస్క్ ధరించి, తన అనుచరులతో నడుచుకుంటూ వస్తాడు. వీరిపైన ఎగురుతున్న రోబోట్లు కనబడతాయి. వినయ్ రాయ్ లుక్ ఇంటరెస్ట్ కలిగిస్తుంది. తొలి పాన్ ఇండియా సూపర్ హీరో సినిమాగా రూపొందుతున్న ఈ చిత్రం 2022 లోనే విడుదలకానుంది.
|
|