ఓవర్సీస్ లో 'విక్రమ్' జోరు... ఆ ఫీట్ అందుకున్న మొదటి తమిళ సినిమాగా ఘనత
cinema | Suryaa Desk | Published : Wed, Jun 08, 2022, 10:15 PM
కమల్ హాసన్ సొంత బ్యానర్ రాజ్ కమల్ ఇంటెర్నేషనల్ ఫిలిమ్స్ లో నిర్మింపబడిన చిత్రం 'విక్రమ్'. ఇందులో కమల్ హాసన్ లీడ్ రోల్ లో నటించారు. కార్తీ ని "ఖైదీ"లా చూపించిన లోకేష్ కనగరాజ్ విక్రమ్ సినిమాకు దర్శకుడు. విజయ్ సేతుపతి, ఫాహద్ ఫాజిల్ కీలక పాత్రలు పోషించారు. హీరో సూర్య అతిధి పాత్రలో నటించారు. భారీ అంచనాల నడుమ గత శుక్రవారం థియేటర్లలో విడుదలైన విక్రమ్ చిత్రానికి తొలిషోతోనే సూపర్ హిట్ టాక్ వచ్చింది. విడుదలైన అన్ని చోట్లా భారీ ఓపెనింగ్స్ అందుకున్న ఈ చిత్రం కమల్ కెరీర్ లోనే బెస్ట్ ఓపెనింగ్స్ ను రాబట్టింది. నార్త్ ,సౌత్ లలో రికార్డు స్థాయి వసూళ్లను రాబడుతున్న విక్రమ్ మూవీ ఓవర్సీస్ లో కూడా మంచి వసూళ్లను కొల్లగొడుతుంది. యూఎస్ బాక్సాఫీస్ వద్ద ఈ చిత్రం అరుదైన ఫీట్ ని అందుకున్నట్టు తెలుస్తుంది. ఈ చిత్రం అక్కడ లేటెస్ట్ గా 2 మిలియన్ డాలర్స్ గ్రాస్ క్లబ్ లో చేరిందని టాక్. ఒక తమిళ సినిమా ఇలాంటి రికార్డును అందుకోవటం ఇదివరకెన్నడూ జరగలేదు. యూఎస్ లో తమిళ సినిమా 2 మిలియన్ క్లబ్ లో జాయిన్ అవ్వడం అనేది నిజంగా గ్రేట్ అని అంటున్నారు.
|
|