'బాబు' వల్ల ఆలస్యమైన విరాటపర్వం... ఈ క్రేజ్ ను ఎక్స్పెక్ట్ చేసుంటే ముందే రిలీజ్ చేసుండేవాడేమో!

టాలీవుడ్ విలక్షణ నటుడు రానా దగ్గుబాటి, సాయి పల్లవి జంటగా నటించిన చిత్రం విరాటపర్వం. వేణు ఊడుగుల దర్శకత్వంలో తెరకెక్కిన ఈ చిత్రాన్ని సురేష్ ప్రొడక్షన్స్, శ్రీ లక్ష్మీ వెంకటేశ్వర సినిమాస్ సంయుక్తంగా నిర్మించాయి. సురేష్ బొబ్బిలి సంగీత దర్శకత్వం వహించిన ఈ మూవీ షూటింగ్ గతేడాదిలోనే పూర్తయింది. 1990లలో తెలంగాణ లో జరిగిన నక్సలైట్ల ఉద్యమం ఆధారంగా తెరకెక్కిన ఈ చిత్రం గతేడాది ఏప్రిల్లో విడుదలకావాల్సి ఉంది. కరోనా మరియు పలు కారణాల వల్ల వాయిదా పడుతూ వస్తున్న ఈ మూవీ ఎట్టకేలకు జూన్ 17న రిలీజ్ కాబోతుంది. షూటింగ్ మొదలైనప్పటి నుండి ఈ సినిమాపై మంచి అంచనాలున్నాయి. ప్రేక్షకులు ఈ సినిమా కోసం ఆసక్తిగా ఎదురుచూస్తున్నారు. ఇందులో జరీనా వాహెబ్, నందితా దాస్, ఈశ్వరీ రావు, నివేదా పేతురేజ్, సాయి చంద్ తదితరులు కీలక పాత్రల్లో నటించారు.

నిజానికి విరాటపర్వం సినిమాకు ముందుగా నిర్మాతగా వ్యవహరించింది వేరొకరట. ప్రాజెక్టు ఆలస్యమవుతుండటంతో సురేష్ బాబు విరాటపర్వం నిర్మాణ బాధ్యతలను తీసుకున్నారట. బాబు ప్రాజెక్టులోకి ఎంటర్ అయ్యాడుగా...ఇంకేముంది ఇవాళో రేపో రిలీజ్ అవుతుందనుకున్నారంతా కానీ..., సురేష్ బాబు, విరాటపర్వం ఫైనల్ ఎడిట్ చూసి కొన్ని సీన్లను తిరిగి రాయించి, మళ్ళీ షూట్ చేయించాడట. ఎడిటింగ్ వెర్షన్ పూర్తిగా మార్చేసాడట. అందుకే విరాటపర్వం టీజర్ కు గాని, ట్రైలర్ కు గాని ఇంతటి అప్లాజ్ వచ్చిందని కొంతమంది అంటుంటే, మరికొంతమంది మాత్రం ఇదంతా డైరెక్టర్ వేణు ఉడుగుల హార్డ్ వర్క్ అని అంటున్నారు. షూటింగ్ పూర్తి చేసుకుని బాక్సాఫీస్ వద్ద తమ సత్తా చాటలేక చాలా సినిమాలు చతికిల పడిన దాఖలాలున్నాయి. ఆ సినిమాలలా కాకుండా విరాటపర్వం హిట్ అవ్వాలని కోరుకుందాం.