విజయ్- సమంత ల సినిమాకు "ఖుషి" పేరు పెట్టడానికి అసలు కారణం ఏంటో తెలుసా?
cinema | Suryaa Desk | Published : Thu, Jun 09, 2022, 12:33 PM
రౌడీ హీరో విజయ్ దేవరకొండ, క్రేజీ హీరోయిన్ సమంతల కాంబినేషన్లో డైరెక్టర్ శివ నిర్వాణ తెరక్కిస్తున్న మూవీకి ఖుషి అనే టైటిల్ ను ఎనౌన్స్ చేసినప్పుడు పవర్ స్టార్ పవన్ కళ్యాణ్ అభిమానులు చాలా డిజప్పాయింట్ కు గురయ్యారు. పవన్ కళ్యాణ్ ఆల్ టైం బ్లాక్ బస్టర్ హిట్స్ లో ఖుషి సినిమా ఒకటి. కోలీవుడ్ డైరెక్టర్ ఎస్ జే సూర్య డైరెక్షన్లో పవన్ కళ్యాణ్, భూమిక జంటగా నటించిన ఈ చిత్రం 2003 లో విడుదలై ఘనవిజయం సాధించింది. ఇంతటి ఎపిక్ టైటిల్ ను శివ నిర్వాణ తన సినిమాకు ఎంచుకోవటం పట్ల పవన్ అభిమానులు తీవ్ర అసంతృప్తికి గురయ్యారు. అయితే, శివ నిర్వాణ ఖుషి టైటిల్ ను ఎంచుకోవడానికి బలమైన కారణం ఉంది. ప్రధాన పాత్రదారుల పేర్లనే చాలామంది డైరెక్టర్లు సినిమాలకు టైటిల్ గా పెడుతుంటారు. అలానే ఈ సినిమాలో హీరోయిన్ సమంత ఖుషి అనే పాత్రను పోషిస్తుండటంతో శివ నిర్వాణ ఆ పేరునే సినిమాకు టైటిల్ గా పెట్టడం జరిగిందట. అంతేగాని పవన్ ఖుషి సినిమాకు ఈ సినిమాకు ఎలాంటి సంబంధం ఉండదట. ఇటీవలే కాశ్మీర్ లో మొదటి షెడ్యూల్ ను పూర్తి చేసుకుని హైదరాబాద్ కు తిరిగి వచ్చిన ఖుషి చిత్రబృందం రెండో షెడ్యూల్ ను హైదరాబాద్ లోనే జరుపుకోనుంది. అయితే ఈ షెడ్యూల్ ఎప్పటినుండి ప్రారంభమవుతుంది అన్నది ఇంకా తెలియదు.
|
|