గూజ్ బంప్స్ కలిగించేలా సత్యదేవ్ "గాడ్సే" ట్రైలర్
cinema | Suryaa Desk | Published : Thu, Jun 09, 2022, 12:31 PM
టాలీవుడ్ యంగ్ హీరో సత్యదేవ్ - ట్యాలెంటెడ్ డైరెక్టర్ గోపి గణేష్ కాంబోలో వచ్చిన మొదటి చిత్రం బ్లఫ్ మాస్టర్. 2018లో చిన్న సినిమాగా విడుదలైన ఈ చిత్రం సూపర్ హిట్ అయ్యింది. వీరి కాంబోలో రాబోతున్న రెండో మూవీ గాడ్సే (గాడ్ - సే). CK స్క్రీన్స్ పతాకంపై సి. కళ్యాణ్ నిర్మిస్తున్న ఈ చిత్రంలో ఐశ్వర్య లక్ష్మి హీరోయిన్గా నటిస్తుంది. ప్రపంచవ్యాప్తంగా జూన్ 17న విడుదలకావడానికి సిద్ధంగా ఉంది. ఈ నేపథ్యంలో ప్రమోషన్స్ షురూ చేసిన చిత్రబృందం తాజాగా ట్రైలర్ ను విడుదల చేసింది. మెగా ప్రిన్స్ వరుణ్ తేజ్ ఈ ట్రైలర్ ను ఈ రోజు ఉదయం సోషల్ మీడియా వేదికగా విడుదల చేసారు. ఈ సందర్భంగా సత్యదేవ్ అండ్ టీం కు వరుణ్ శుభాకాంక్షలను తెలియచేసారు. దాదాపు రెండు నిమిషాలున్న ఈ ట్రైలర్ లో సత్య దేవ్ ఊరమాస్ అవతారం, ఆయన చెప్పే పొలిటికల్ డైలాగులు ప్రేక్షకులను తప్పక ఆకట్టుకుంటాయి. సన్నివేశాలను ఎలివేట్ చేసే విధంగా బ్యాక్ గ్రౌండ్ మ్యూజిక్ చాలా బాగుంది. టీజర్ లో లాగానే ట్రైలర్ లో కూడా ఎలాంటి కీలక సన్నివేశాలను రివీల్ చెయ్యకుండా కేవలం సత్యదేవ్ తన మిషన్ ను ఎలా పూర్తి చేసాడనే దానిపైనే మేకర్స్ శ్రద్ధ పెట్టారు. సిస్టం కు వ్యతిరేకంగా గాడ్సే తన పోరాటాన్ని ఎలా చేసాడు ? ఎందుకు చేసాడు? చివరికి ఏమైంది? అనే విషయాలు తెలుసుకోవాలంటే జూన్ 17వరకు ఆగాల్సిందే.
|
|