"ఒక పథకం ప్రకారం" ఫస్ట్ సింగిల్ ను రిలీజ్ చేసిన హీరో రామ్
cinema | Suryaa Desk | Published : Thu, Jun 09, 2022, 12:43 PM
టాలీవుడ్ క్రేజీ డైరెక్టర్ పూరి జగన్నాధ్ తమ్ముడిగా, సాయి రామ్ శంకర్ సినీ ఇండస్ట్రీ కి పరిచయమయ్యారు. సాయి రామ్ శంకర్, బిందుమాధవి జంటగా నటించిన బంపర్ ఆఫర్ తప్పితే, సాయి కెరీర్లో పెద్దగా చెప్పుకునే సినిమాలేవీ లేవు. సినిమాలకు కొన్నాళ్ళు దూరంగా ఉంటూ వచ్చిన సాయి తిరిగి ఈ మధ్యనే సినిమాలు చెయ్యటం స్టార్ట్ చేసాడు. చాన్నాళ్ల తర్వాత ఆయన హీరోగా చేస్తున్న కొత్త చిత్రం "ఒక పథకం ప్రకారం". క్రైమ్ థ్రిల్లర్ గా రూపొందుతున్న ఈ చిత్రానికి వినోద్ విజయన్ దర్శకుడు. అషీమా నర్వాల్ హీరోయిన్ గా నటిస్తున్న ఈ మూవీని వినోద్ విజయన్ ఫిలింస్ బ్యానర్ పై వినోద్ విజయన్, గార్లపాటి రమేష్ సంయుక్తంగా నిర్మిస్తున్నారు. ఇందులో డ్రగ్స్ కు బానిసైన ఒక యువకుడి గా , విభిన్న షేడ్స్ తో కూడిన పాత్రలో సాయిరాం నటిస్తున్నారు. తాజాగా ఈ మూవీ నుండి తొలి లిరికల్ సాంగ్ రిలీజ్ అయ్యింది. యంగ్ అండ్ ఎనర్జిటిక్ హీరో రామ్ పోతినేని "ఒక పథకం ప్రకారం" మూవీ నుండి ఒకసారిలా రా అనే లిరికల్ సాంగ్ ను రిలీజ్ చేసారు. స్టార్ సింగర్ సిద్ధ్ శ్రీరామ్ పాడగా, రెహమాన్ లిరిక్స్ అందించారు. జూన్ 24న ఈ సినిమా విడుదలవడానికి రెడీ అవుతుంది.
|
|