తలైవర్ 169లో ప్రముఖ కన్నడ నటుడు ?
cinema | Suryaa Desk | Published : Fri, Jun 10, 2022, 03:26 PM
సూపర్ స్టార్ రజినీకాంత్ తన 169వ సినిమాను నెల్సన్ దిలీప్ కుమార్ డైరెక్షన్ లో చెయ్యబోతున్నాడన్న విషయం తెలిసిందే. నెల్సన్ గత చిత్రం బీస్ట్ పరాజయమైన నేపథ్యంలో రజినీతో సినిమా ఉండదనుకున్నారు చాలామంది. ఐతే, ఇలాంటి రూమర్లకు చెక్ పెడుతూ నెల్సన్ తోనే తన నెక్స్ట్ సినిమా ఉంటుందని అందరికీ తెలిసేలా రజిని తన ట్విట్టర్ ఖాతాకు నెల్సన్ తో దిగిన ఫోటోను పెట్టారు. రజిని తీసుకున్న డేరింగ్ నిర్ణయానికి అభిమానులు ఒకింత టెన్షన్ పడుతున్నారు.
రజిని - నెల్సన్ ల మూవీకి అనిరుద్ సంగీతమందిస్తున్నారు. ఈ సినిమాలో దివంగత కన్నడ పవర్ స్టార్ పునీత్ రాజ్ కుమార్ అన్నయ్య శివరాజ్ కుమార్ కీలక పాత్ర పోషిస్తున్నారు. ఈ విషయాన్నీ స్వయంగా రాజ్ కుమార్ ఇటీవల ఒక ఇంటర్వ్యూలో తెలిపారు. ఆయన మాట్లాడుతూ... ఏ నటుడికైనా రజినీతో నటించడం చాలా గొప్ప అవకాశం. ఈ సినిమాతో నాకు అలాంటి అవకాశం రావడం నిజంగా నా అదృష్టం అని చెప్పారు. చిన్నప్పటి నుండి రజిని తనకు బాగా తెలుసని, ఆయనతో తనకు ప్రత్యేక అనుబంధం ఉందని, తన తండ్రి కి రజినీకి మధ్య బలమైన స్నేహబంధం ఉండదని చెప్పారు. ఆయన మాట్లాడినదాని ప్రకారం, రజిని 169 వ సినిమా ఆగస్టులో సెట్స్ పైకి వెళ్తుంది. వచ్చే ఏడాది వేసవికి విడుదలవుతుంది.
|
|