మూడు నెలల్లో మూడు ప్రాజెక్టులు పూర్తి ... నిర్మాతలను హడలెత్తిస్తున్న పవన్ కొత్త నిర్ణయం
cinema | Suryaa Desk | Published : Sat, Jun 11, 2022, 02:27 PM
2024 ఎన్నికలే లక్ష్యంగా పవర్ స్టార్ పవన్ కళ్యాణ్ ఒక పొలిటికల్ టూర్ ను ప్లాన్ చేస్తున్నట్టు తెలుస్తుంది. దీంతో జనసేన పార్టీ పునాదులను బలోపేతం చేసి, జనసైనికుల లో కొత్త ఉత్సాహం నింపాలని పవన్ కోరిక. ఇందుకోసం పవన్ వచ్చే అక్టోబర్ నుండి పొలిటికల్ టూర్ ను స్టార్ట్ చేయబోతున్నారని వినికిడి. ఈ వార్తపై ఇంకా ఎలాంటి అధికారిక సమాచారం లేదు ...కానీ ఒకవేళ ఈ వార్తే నిజమైతే , ఆయన చేస్తున్న సినిమాల పరిస్థితేమిటని? అందరూ ఆలోచిస్తున్నారు. పవన్ కోరికలో న్యాయముంది...కానీ ఈ కొరికే పవన్ తో సినిమాలకు కమిటైన నిర్మాతల గుండెల్లో గుబులు రేపుతోంది.
ఆయన పూర్తి చేయవలసిన సినిమాలు మూడు ఉన్నాయి. క్రిష్ డైరెక్షన్లో ఆల్రెడీ సెట్స్ పై ఉన్న హరిహరవీరమల్లు, సెట్స్ పైకి వెళ్లాల్సిన భవదీయుడు భగత్ సింగ్, ప్రచారం లో ఉన్న వినోదయ సిత్తం సినిమాలను పవన్ కేవలం మూడు నెలల్లోనే పూర్తి చెయ్యాల్సిన పరిస్థితి. కానీ ఈ సినిమాలకు ఆయా నిర్మాతలు ముందుగానే షూటింగ్, పోస్ట్ ప్రొడక్షన్ పనులు, రిలీజ్ డేట్..అని ఒక షెడ్యూల్ ను తయారుచేసుకుని ఉంటారు కదా. తాజాగా పవన్ తీసుకున్న నిర్ణయంతో కేవలం మూడు నెలల్లో మూడు సినిమాలను పూర్తి చేసేందుకు నిర్మాతలు ఆర్ధికంగా, మానసికంగా చాలా ఒత్తిడికి గురవుతారు. పవన్ తీసుకున్న నిర్ణయం పట్ల తీవ్ర అసహనం వ్యక్తం చేస్తున్న నిర్మాతలు ఆయనతో ఈ విషయాన్నీ చెప్పి ఆయన మనసు మార్చాలని చూస్తున్నారట. బహుశా, ఈ విషయంలో పవన్ ఎవరి మాట వినకపోవచ్చు.
|
|