పవర్ స్టార్ పై లేడీ పవర్ స్టార్ ఒపీనియనేంటో తెలుసా?
cinema | Suryaa Desk | Published : Tue, Jun 14, 2022, 04:29 PM
టాలీవుడ్ లో స్టార్ హీరోయిన్ కు లేని భారీ క్రేజ్ సాయిపల్లవికి ఉంది. పదులకొద్దీ సినిమాలు చెయ్యకపోయినా, స్టార్ హీరోల సరసన నటించకున్నా, గ్లామర్ షో చెయ్యకున్నా తెలుగు ఆడియన్స్ సాయి పల్లవిని తమ హృదయాలలో పదిలంగా దాచుకున్నారు. ఒక ఈవెంట్లో సాయి పల్లవి క్రేజ్ ను చూసి డైరెక్టర్ సుకుమార్ ఆమెకు లేడి పవర్ స్టార్ అని బిరుదిచ్చేసారు. దీంతో ఇక అప్పటినుండి సాయిపల్లవికి లేడీ పవర్ స్టార్ అనే పేరు ఫిక్స్ అయిపొయింది. సాయిపల్లవి నటించిన కొత్త సినిమా విరాటపర్వం. జూన్ 17న విడుదలవబోతున్న ఈ మూవీ కోసం పల్లవి ఎడతెరపి లేకుండా ప్రమోషన్స్ చేస్తూ తెగ కష్టపడుతుంది. ప్రమోషన్స్ లో భాగంగా ఈటీవీ ఛానెల్ లో ప్రసారమయ్యే క్యాష్ షోకు సాయిపల్లవి హాజరయ్యింది. ఈ క్రమంలో పవర్ స్టార్ పై సాయి పల్లవి తన అభిప్రాయాన్ని తెలియచేసింది. తనని తాను ఒక సూపర్ స్టార్ లా అనుకోకుండా, సాధారణ మనిషి లానే బిహేవ్ చేసే గొప్ప మనసున్న మనిషి. తన మనసులో ఏమనిపిస్తే అది సూటిగా మాట్లాడేస్తారు... అందుకే పవన్ అంటే నాకు ఇష్టం అని సాయి పల్లవి తెలిపింది. పవన్ పై సాయి పల్లవి చేసిన ఈ కామెంట్స్ ఇప్పుడు వైరల్ అవుతున్నాయి.
|
|