మున్నాభాయ్ మూవీలోలా జరిగిందంటూ... గైనకాలజిస్ట్ మామ్ కు ప్రణీత అప్రిసియేషన్ నోట్
cinema | Suryaa Desk | Published : Tue, Jun 14, 2022, 04:18 PM
టాలీవుడ్ బాపు బొమ్మ ప్రణీత సుభాష్ ఈ మధ్యనే పండంటి ఆడబిడ్డకు జన్మనిచ్చింది. నితిన్ రాజు అనే బిజినెస్ మ్యాన్ ను కరోనా టైం లో రహస్యంగా పెళ్లి చేసుకున్న ప్రణీత ఈ ఏడాది ఫిబ్రవరిలో తాను తల్లిని కాబోతున్నానంటూ సోషల్ మీడియా వేదికగా అభిమానులకు తెలియచేసింది. ఇక అప్పటినుండి బేబి బంప్ ఫొటో షూట్లు, జిమ్ ఎక్సర్సైజులు, సీమంతం అంటూ ప్రణీతకు సంబంధించిన ప్రతి ఫోటో సోషల్ మీడియాలో తెగ వైరల్ అయ్యింది. తనకు పాప పుట్టిందన్న విషయాన్ని ఇంస్టాగ్రామ్ ద్వారా తెలిపిన ప్రణీత హాస్పిటల్ ఫొటోలను కూడా పోస్ట్ చేసింది. తాజాగా తనకు పురుడు పోసిన తన మాతృమూర్తి కి ప్రణీత కృతజ్ఞతలు తెలియచేస్తూ స్పెషల్ నోట్ ను పంచుకుంది. ప్రణీత తల్లి ఒక గైనకాలజిస్ట్. ప్రతి అమ్మాయికి ఇలాంటి గైనకాలజిస్ట్ అమ్మ ఉంటే చాలు..ఇంకేం అవసరం లేదు. ప్రసవాన్ని ఎంతో సులువుగా చేసిన అమ్మ డా. జయశ్రీకి హృదయపూర్వకంగా కృతజ్ఞతలు తెలియచేసుకుంటున్నాను. అయితే, తన సొంత కూతురికి పురుడు పొయ్యాలంటే అమ్మ చాలా టెన్షన్ పడి ఉంటుంది. ఈ విషయాన్ని తలచుకుంటుంటే మున్నాభాయ్ ఎం బి బి ఎస్ సినిమాలో పరేష్ రావల్ చెప్పిన సంఘటన గుర్తుకొస్తుంది. నాలాంటి ఎందరో గర్భవతులకు ఎంతో ఆరోగ్యంగా పురుడు పోసేందుకే అమ్మ కుటుంబం, బంధువులు, వెకేషన్ వంటివాటి కన్నా వర్క్ లైఫ్ కు ఎక్కువ ప్రయారిటీ ఇస్తుందని ఇప్పుడే అర్ధమయ్యింది... అని ప్రణీత తాను పోస్ట్ చేసిన నోట్ లో పేర్కొంది.
|
|