కేరళ వెళ్లిన నయన్ - విఘ్నేష్ జంట
cinema | Suryaa Desk | Published : Tue, Jun 14, 2022, 09:09 PM
కోలీవుడ్ లేడి సూపర్ స్టార్ నయనతార, ఆరేళ్లుగా గాఢంగా ప్రేమిస్తున్న యంగ్ డైరెక్టర్ విఘ్నేష్ శివన్ ను జూన్ 9న వివాహం చేసుకున్న విషయం అందరికి తెలిసిందే. నయన్ మ్యారేజ్ కోలీవుడ్, టాలీవుడ్, బాలీవుడ్ లలో టాక్ ఆఫ్ ది ఇండస్ట్రీ గా నిలిచింది. జూన్ 9న పెళ్లి చేసుకున్న నయన్, విఘ్నేష్ లు ఆ వెంటనే తిరుమల తిరుపతి శ్రీ వేంకటేశ్వరస్వామి వారి దర్శనం చేసుకున్నారు. తెలియని విషయమేంటంటే, కొన్ని కారణాల వల్ల నయన్ పెళ్ళికి తల్లి ఓమన్ కురియన్ రాలేదట. కొచ్చిన్ లో నివసిస్తున్న ఆమెను కలిసి, కొన్నిరోజులు అక్కడే ఏకాంతంగా గడుపుదామని ఆదివారమే బయలుదేరి కేరళ వెళ్లారు. ఈ మధ్యలో కొచ్చిన్ లో దిగిన వెంటనే అక్కడి కొన్ని దేవాలయాలలో ప్రత్యేక పూజలు చేసారు. ఆ తర్వాత సొంతింటికి వెళ్లి రెండు, మూడు వారాలు అక్కడే ఏకాంతంగా గడుపుతారని తెలుస్తుంది. తిరిగొచ్చిన వెంటనే నయన్ "జవాన్" సినిమాతో బిజీ అవుతుంది. విఘ్నేష్ విషయానికొస్తే, అజిత్ 62వ సినిమాకు అతనే డైరెక్టర్. కొచ్చిన్ నుండి తిరుగు ముఖం పట్టిన వెంటనే విఘ్నేష్ అజిత్ సినిమాతో బిజీ అవుతాడు.
|
|