"డీజే టిల్లు" సీక్వెల్ కోసం ఎంత పని చేసాడో తెలుసా?

విమల్ కృష్ణ డైరెక్షన్లో సితార ఎంటర్టైన్మెంట్స్ నిర్మించిన చిత్రం "డీజే టిల్లు". "గుంటూరు టాకీస్" ఫేమ్ సిద్ధు జొన్నలగడ్డ, నేహా శెట్టి హీరోహీరోయిన్లుగా నటించిన ఈ చిత్రం ఫిబ్రవరి 11న విడుదలై సూపర్ హిట్ టాక్ సొంతం చేసుకుంది. ఈ సినిమా పాటలకు, సిద్ధూ నటనకు ప్రేక్షకులు బ్రహ్మ రధం పట్టారు. తక్కువ బడ్జెట్టుతో తెరకెక్కించిన ఈ సినిమా అధిక వసూళ్లను రాబట్టింది. ఎటువంటి అంచనాలు లేకుండా వచ్చిన ఈ సినిమా ప్రొడ్యూసర్లకు, డిస్ట్రిబ్యూటర్లకు లాభాల పంట పండించింది. ఈ సినిమా బడ్జెట్టు దాదాపు ఎనిమిదిన్నర కోట్లుగా ఉండగా దీనిని కేవలం నాలుగు రోజులలోనే క్రాస్ చేసి, ఇరు తెలుగు రాష్ట్రాలలో మొత్తం 14కోట్ల షేర్ తీసుకొచ్చింది. చిత్ర సీమలో అంతగా గుర్తింపు లేని సిద్ధూ ఈ సినిమాతో ఒక్కసారిగా స్టార్ ఇమేజ్ను సొంతం చేసుకోవడమే కాకుండా 30కోట్ల గ్రాస్ క్లబ్ హీరోల జాబితాలోకి చేరిపోయాడు. లైఫ్ బిఫోర్ వెడ్డింగ్ సినిమాతో టాలీవుడ్ డిబట్ చేసిన సిద్దు, డిజె టిల్లు సినిమాకి  కధ, స్క్రీన్ ప్లే అందించాడు.

ప్రస్తుతం సిద్ధు డీజే టిల్లు సీక్వెల్ స్క్రిప్ట్ ను సిద్ధం చేసే పనిలో చాలా బిజీగా ఉన్నాడు. తనకు స్టార్ ఇమేజ్ ను, భారీ క్రేజ్ ను తీసుకొచ్చిన డీజే టిల్లు కోసం సిద్ధు తనకొచ్చిన రెండు సినిమాల ఆఫర్లను కాలదన్నుకున్నాడట. ప్రముఖ నిర్మాణ సంస్థల్లో నిర్మింపబడే ఈ రెండు సినిమాలలో ఒకదాంట్లో హీరోగా, మరోదాంట్లో విలన్గా చేసే బంపర్ ఆఫర్స్ సిద్ధూకు వచ్చాయని తెలుస్తుంది. "డీజే టిల్లు" ఇచ్చిన సక్సెస్ బూస్ట్ తో, తిరిగి ఆ సినిమా సీక్వెల్ తోనే ప్రేక్షకులను పలకరించాలని, మళ్ళీ ఆ స్థాయిలో హిట్టు కొట్టాలని సిద్ధూ మాస్టర్ ప్లాన్ వేసినట్టు క్లియర్ గా అర్ధమవుతుంది. ఈ సినిమా కోసం తనకొచ్చిన రెండు సినిమాల ఆఫర్లను రిజెక్ట్ చేసాడంటే, సిద్ధూకు ఈ ప్రాజెక్ట్ పై 100%నమ్మకం ఉందన్నమాట. మరి, సిద్ధూ నమ్మకం, ప్రేక్షకుల్లో అతని డీజే ఫేమ్ ను ఎంతవరకు నిలబెట్టుకుంటాడో చూద్దాం.