బర్త్ డే ట్రీట్... "శశివదనే" మూవీ నుండి రక్షిత్ ఫస్ట్ లుక్ ఔట్
cinema | Suryaa Desk | Published : Sat, Jun 18, 2022, 06:43 PM
రక్షిత్ ... 'లండన్ బాబులు' చిత్రంతో 2017లోనే సినీరంగ ప్రవేశం చేసిన యంగ్ హీరో రక్షిత్ అట్లూరి. తొలి సినిమాతోనే బెస్ట్ డిబట్ హీరోగా సంతోషం అవార్డును అందుకున్న రక్షిత్ ఆపై పలాస 1978 అనే యాక్షన్ థ్రిల్లర్ లో నటించాడు. తాజాగా రక్షిత్ నటిస్తున్న కొత్త చిత్రం శశివదనే. గోదావరి నేపథ్యంలో లవ్ అండ్ యాక్షన్ డ్రామాగా తెరకెక్కుతున్న ఈ చిత్రానికి సాయి మోహన్ ఉబ్బన దర్శకత్వం వహిస్తున్నారు. గౌరీ నాయుడు సమర్పణలో, ఎస్వీఎస్ కన్స్ట్రక్షన్స్ ప్రై.లి. భాగస్వామ్యంతో, ఏజీ ఫిల్మ్ కంపెనీ పతాకంపై అహితేజ బెల్లంకొండ నిర్మిస్తున్నారు. నేడు రక్షిత్ పుట్టినరోజు కావడంతో, మేకర్స్ హీరో ఫస్ట్ లుక్ పోస్టర్ ను రిలీజ్ చేసారు. అందమైన గోదావరి నదిలో వర్షం పడుతుండగా, పడవలో ప్రయాణిస్తున్న రక్షిత్ లుక్ చాలా కూల్ గా, పీస్ ఫుల్ గా ఉంది.
శరవణ వాసుదేవన్ ఈ సినిమాకు సంగీతం అందించారు. ఈ సినిమాలో రక్షిత్ కు జోడిగా కోమలీ ప్రసాద్ నటిస్తుండగా, సంగీత దర్శకుడు రఘు కుంచె, శ్రీమాన్, దీపక్, ప్రిన్స్, 'రంగస్థలం' మహేష్ తదితరులు కీలకపాత్రలు పోషించారు.
|
|