ఆకాష్ పూరి హిట్ ట్రాక్ కంటిన్యూ అవుతుందా?
cinema | Suryaa Desk | Published : Mon, Jun 20, 2022, 01:50 PM
డాషింగ్ డైరెక్టర్ పూరీ జగన్నాధ్ తనయుడిగా, తెలుగు చిత్రపరిశ్రమకు హీరోగా గ్రాండ్ ఎంట్రీ ఇచ్చాడు ఆకాష్ పూరి. అంతకుముందు చైల్డ్ ఆర్టిస్టుగా చిరుత, బుజ్జిగాడు, బిజినెస్ మ్యాన్ వంటి చిత్రాలలో నటించిన అనుభవం, హీరోగా నటించడానికి ఆకాష్ కు బాగా కలిసొచ్చింది. "ఆంధ్రాపోరి" తో హీరోగా పరిచయమైన ఆకాష్ తదుపరి మెహబూబా, రొమాంటిక్ సినిమాలలో నటించాడు. నటన పరంగా ఈ మూడు సినిమాలు ఆకాష్ కు మంచి పేరును తీసుకొచ్చాయి కానీ, రొమాంటిక్ సినిమాతోనే ఆకాష్ తొలి కమర్షియల్ సక్సెస్ ను అందుకున్నారు. పూరి అందించిన కథతో, అనిల్ పాదూరి ఈ మూవీని తెరకెక్కించారు. గతేడాది విడుదలైన ఈ మూవీ సూపర్ హిట్ అయ్యింది.
ఆకాష్ నటిస్తున్న కొత్త చిత్రం చోర్ బజార్. రొమాంటిక్ యాక్షన్ ఎంటర్టైనర్ గా, బి. జీవన్ రెడ్డి ఈ సినిమాను రూపొందించారు. ఇందులో గెహనా సిప్పి కధానాయిక. జూన్ 24 న విడుదల కాబోతుంది. రొమాంటిక్ హిట్ ట్రాక్ ను ఈ చిత్రంతో కంటిన్యూ చెయ్యాలనుకుంటున్నాడు ఆకాష్. ఒకవేళ బాక్సాఫీస్ వద్ద ఈ సినిమా నెగిటివ్ టాక్ ను తెచ్చుకుంటే కనక, హీరోగా నిలదొక్కుకోవడంలో ఆకాష్ మరింతగా కష్టపడవలసి ఉంటుంది. ఎందుకంటే....తెలుగు చిత్రసీమలో రోజురోజుకూ పెరిగిపోతున్న పోటీ వాతావరణమే.
ఇప్పటివరకు రిలీజైన చోర్ బజార్ టీజర్, ట్రైలర్, లిరికల్ సాంగ్స్ సినిమా పై మంచి బజ్ ను క్రియేట్ చేసాయి. మరి, చోర్ బజార్ తో ఆకాష్ హీరోగా ఒక మెట్టు పైకెక్కుతాడా? లేదా? అనేది ఆసక్తిగా మారింది.
|
|