ట్రెండింగ్
"స్వాతిముత్యం" ఫస్ట్ లిరికల్ సాంగ్ అప్డేట్
cinema | Suryaa Desk | Published : Fri, Jun 24, 2022, 05:00 PM
ప్రముఖ టాలీవుడ్ నిర్మాత బెల్లంకొండ సురేష్ రెండవ తనయుడు బెల్లంకొండ గణేష్ హీరోగా, కొత్త దర్శకుడు లక్ష్మణ్ కే. కృష్ణ తెరకెక్కిస్తున్న చిత్రం స్వాతిముత్యం. గణేష్ సరసన యువనటి వర్ష బొల్లమ్మ నాయికగా నటిస్తుంది. ఇప్పటివరకు విడుదలైన పోస్టర్ లలో వర్ష, గణేష్ ల జంట చాలా ఫ్రెష్ గా కనిపిస్తుంది.
తాజాగా ఈ మూవీ నుండి ఫస్ట్ లిరికల్ సాంగ్ రిలీజ్ చేయబోతున్నట్టు మేకర్స్ అధికారిక ప్రకటన చేసారు. ఈ మేరకు రేపు ఉదయం పదిగంటల ఎనిమిది నిమిషాలకు "నీ చారెడు కళ్ళే" అని సాగే ప్రోమోను రిలీజ్ చెయ్యనున్నారు. పోస్టర్ ను బట్టి ఈ పాట హీరోహీరోయిన్ల మధ్య సాగే బ్యూటిఫుల్ మెలోడీగా ఉండనుందని తెలుస్తుంది.
ఈ సినిమాను సితార ఎంటర్టైన్మెంట్స్ బ్యానర్ పై సూర్యదేవర నాగవంశీ నిర్మిస్తున్నారు. మహతీ స్వరసాగర్ సంగీతమందించిన ఈ మూవీ ఆగస్టు 13న ప్రేక్షకుల ముందుకు రాబోతుంది.
|
|