కొత్త సినిమాలకు సైన్ చెయ్యని నాగ్... కారణం అదేనా?
cinema | Suryaa Desk | Published : Wed, Jun 29, 2022, 07:46 PM
టాలీవుడ్ కింగ్ నాగార్జున ప్రస్తుతం చేస్తున్న సినిమా ఒకటే ఒకటి. PSV గరుడవేగ ఫేమ్ ప్రవీణ్ సత్తారు డైరెక్షన్లో రూపొందుతున్న యాక్షన్ థ్రిల్లర్ "ఘోస్ట్" లో నాగార్జున లీడ్ రోల్ పోషిస్తున్నారు. ఇందులో సోనాల్ చౌహన్ హీరోయిన్. ప్రస్తుతం షూటింగ్ జరుపుకుంటున్న ఈ చిత్రం తప్పితే మరే కొత్త సినిమాలకు నాగ్ ఇప్పటివరకు సైన్ చెయ్యలేదంట.
తోటి సీనియర్ నటులైన చిరంజీవి, వెంకటేష్, బాలకృష్ణ సినిమాల మీద సినిమాలు చేసుకుంటూ ఫుల్ బిజీగా ఉంటే నాగార్జున మాత్రం ఎందుకిలా చేస్తున్నాడని ఆయన అభిమానులు బాధపడుతున్నారు.
నాగార్జున సినిమాలను తగ్గించెయ్యటానికి కారణం బిగ్ బాస్ రియాలిటీ షో అని సోషల్ మీడియాలో ప్రచారం జరుగుతుంది. ఆ షో తో తక్కువ టైం లో , తక్కువ శ్రమతో, ఎలాంటి ఫిజికల్ హార్డ్ వర్క్ చెయ్యకుండా భారీ రెమ్యునరేషన్ అందుకుంటున్నాడట నాగ్. దీంతో ఇకపై సినిమాలు కాకుండా, బిగ్ బాస్ పైనే కాన్సన్ట్రేట్ చెయ్యాలని నిర్ణయించుకున్నాడని వినికిడి.
బిగ్ బాస్ మూడో సీజన్ మొదలుపెట్టి నాలుగు, ఐదు రాబోయే ఆరో సీజన్ కు కూడా నాగార్జునే హోస్ట్ గా వ్యవహరిస్తున్నారు. ఇక రాబోయే బిగ్ బాస్ ఆరో సీజన్ కు నాగ్ తన రెమ్యునరేషన్ ను హైక్ చేసారని టాక్.
|
|